यूकेएसएसएससी पेपर लीक मामला मा संतोष बडोनी अर पैल्यक परीक्षा नियंत्रक पर ह्वै कार्वै क तय्यरि

देरादूण। उत्तराखण्ड अधीनस्थ सेवा चयन आयोग क पैल्यक सचिव संतोष बडोनी अर नारायण सिंह डांगी भि अब जांच क घेर मा ऐग्यीं। सरकारन यांका बारा मा विजिलेंस थैं जांच क आदेश दे दी। इतगा हि ना बल्कि आयोगा कु काम करण वला शासन अनुभाग क अधिकारियों की भि जांच कर्यें जाली। इन्ना मा अब यूं अधिकारियों क विजिलेंस जांच क जिबाल (फंदा) मा आणा क उमैद च।

उत्तराखण्ड अधीनस्थसेवा चयन आयोग पेपर लीक मामला मा अबि तक 37 ळोग पकड़ें ग्यीन पर अबि तक आयोग पर बड़ा अफसरू पर कुई कर्वै नीं ह्वै।

दूसर तरफ बत्यें जाणु च कि आरएमएस टेक्नोसोल्यूशन कंपनी जै क दगड़ मा आयोग कु करार खतम हूंण क बाद भि आयोग न कम्पनी थैं इम्तयान करणा क जिम्मेबरि दे अर पैंसों क भुगतान भि कैरि दे। ईं वु कारण च जै कारण आयोग क अफसर विजिलेंस क जिबाल मा छन, इल्लै अब या उमैद कर्यें जाणि च विजिलेंस ऐ मामला मा, या से जुड्यां अफसरू से पूछताछ कै सकद।