यूकेएस.एस.एस.सी पेपर लीक मामला मा एसटीएफ न एक औरि आरोपि थैं पकड़ि

यूकेएसएसएससी पेपर लीक मामला मा एसटीएफ न एक औरि आरोपि थैं पकड़ि याली।

आज इत्वार खूंणि यूपी चंदौली क रैवासी शशिकांत थैं पूछताछ अर पूरा सबूत हूंण क बाद एसटीएफ न हल्द्वानी बटि पकड़ि याली।

एसटीएफ न नैनीताल क डिंगता रिजॉर्ट धनाचूली बैंड मा नकल कर्यें ग्यें 35 अभ्यर्थी क पछ्याण भि कायी।
बतै जाणु च पकड़या आरोपि शशिकांत न हल्द्वानी, अल्मोड़ा, चंपावत अर पिथौंरागढ़ मा ऑनलैन परीक्षा सेन्टर ख्वलयां छन।

परीक्षा केन्दु मा अबि तक 40 से जादा ऑनलैन परीक्षा कर्यें ग्यीं। शशिकांत पर उत्तराखण्ड मा साल 2013 मा सीटीईटी इम्तयान मा नकल कराणा कु मुकदमा हल्द्वानी मा ह्वै छायीं।