उत्तराखंड अधीनस्थ सेवा चयन आयोग क स्नातक स्तरीय इमत्यान, पौड़ी मा दिखे क्वीं मतंग

पौड़ी। उत्तराखंड अधीनस्थ सेवा चयन आयोग (UKSSSC) क उर्यीं स्नातक स्तरीय इमत्यान प्रदेसा मा टुप्प (शांतिपूर्वक) कैकि ह्वैग्यें।

भर्ति इमत्यान मा 38 प्रतिशत बच्चौंन भाग ल्यायीं। प्रशासना तरफ बटि इमत्यान खूंणि पौड़ी जिला मा 19 केन्द्र बणयां छायी। पौड़ी जिला अबकदा उत्तराखण्ड अधीनस्थ सेवा चयन आयोग क हूयीं भर्ति इमत्यान मा क्वीं मतंग नि दिख्यें दे।

पौड़ी मा इमत्यान देंण वळों से जादा बच्चौं न इमत्यान हि नीं दे। पौड़ी जिला मा कुल 5112 बच्चौं खूंणि इमत्यान मा बैट्ठा कु बन्दबस्त छायीं पर इमत्यान मा 1921 बच्चौं हि भाग ल्यायीं। जु कुल बच्चौं क संख्या कु 37.58 प्रतिशत छायीं। जबकि 3191 बच्चौंन इमत्यान छोड़ि दे।

पौड़ी जिलाधिकारी न बतै कि जिला मा 19 केन्दु्र मा इमत्यान खूंणि बन्दबस्त कर्यूं छायीं। जैमा पौड़ी मा 5, श्रीनगर मा 9, कोटद्वार मा 5 परीक्षा केन्द्र छायीं। स्नातक स्तरीय इमत्यान मा पौड़ी क 5 इमत्यान केन्दु्र मा 1368 बच्चौं मा बटि 540 न इमत्यान दे अर 828 बच्चौं न इमत्यान छोड़ि दे। श्रीनगरा 9 केन्द्र मा 2520 बच्चौं मा बटि 1036 बच्चौं न इमत्यान दे अर 1484 बच्चौं इमत्यान छोड़ि दे। कोटद्वारा 5 इमत्यान केन्द्रु मा 1224 बच्चौं मा बटि 345 न इमत्यान दे अर 879 बच्चौं इमत्यान छोड़ि दे।