यूकेडी न बेरोजगार डिप्लोमा फार्मेसिस्टों क आंदोळन थैं द्यायी समर्थन

देरादूण। उत्तराखण्ड क्रान्ति दळक कार्यकर्ताओं न आज बेरोजगार डिप्लोमा फार्मेसिस्टों क भर्ति शुरू करणाा खूंणि फार्मासिस्ट क दगड़ा मा धरना द्यायी ।

यूकेडी क् शिव प्रसाद सेमवाळ न ब्वाळ कि यूकेडी बेरोजगारू डिप्लोमा फार्मेसी क दगड़ मा खड़ि च। उन्न ब्वाळ कि पाड़ मा स्वास्थ्य बन्दबस्त फार्मसिस्टों क भरोसू हि च, तब्ब भि सरकार ऊंकी मांग थैं लैकैकि जरा भि परवा नि करणि च।

शिव प्रसाद सेमवाळन ब्वाळ कि सरकार थैं झट से ऊंकी भर्ति शुरू करण चैंद। उन्न ब्वाळ कि तथर यूकेडी थैं फार्मासिस्टों का मांग मनौणा खूणिं ऊंका दंगडा मा मिळि कैकि बडु आन्दोळन चलाणा प्वाड़ळु।

यूकेडी का संजय बुहुगुणा न ब्वाळ कि सरकार क कारण 1000 से जादा बेरोजगार फार्मासिस्ट कु भविष्य अंधेरू हुंयू च जबकि 100 जादा स्वास्थ्य केंन्दू मा फार्मेसिस्ट नि छन।

सीमा रावत न ब्वाळ कि सरकार फार्मासिस्ट बेराजगारू क उपेक्षा करणि च। उन्न ब्वाळ कि सरकारक या उपेक्षा ऊथैं 2022 क चुनौ मा बौत भारि प्वाड़ळि।