यूकेडी न फुक्कि विधानसभा अध्यक्ष ऋतु खंडूड़ी कु पुतला, विधानसभा भर्ति घपला मा कारवै करणा क कायी मांग

देरादूण। यूकेडी क ब्यटुला प्रकोष्ठ न आज विधानसभा अध्यक्षा कु ऋतु खंडूड़ी कु पुतला विधानसभा क समणि फुक्कि।

ऐ मौका फर यूकेडी क कार्यकताऔं न विधानसभा क समणि नाराबाजी कायीं अर विधानसभा मा ह्वीं भर्ति घपला मा कारवै करणा क मांग कायीं।

यूकेडी ब्यटुला प्रकोष्ठ क अध्यक्ष सुलोचना ईष्टवाल न सवाल कायीं कि आखिर किलै हाकम सिंह थैं जेल भेज्यें ग्यें अर विधानसभा मा भर्ति करण वलों विधानसभा अध्यक्षों थैं माफ करयें ग्यें?

यूकेडी क मीडिया प्रभारी शिवप्रसाद सेमवालन बोलि कि गलत तरीकों न भर्ति सब्यां कर्मचारियों क दगड़ एक जनि कारवै हूंण चैंद छायीं पर राज्य बणाणा क बाद बटि 2016 तकाक कर्मचारियों थैं कारवै से बच्यें ग्यें।

त वखि उत्तरा पंत बहुगुणा न बोलि बल ऋतु खण्डूडी न अपणा स्टाफ मा दिल्ली, बिहार, उत्तरप्रदेश के लोगु थैं भर्ति कायी, जबकि ऊंथैं उत्तराखण्ड के रैवासियों थैं भर्ति करणु चैंद छायीं।

विधानसभ मा दिखौंणा करण से पैळि नेहरू कॉलोनी पुलिस, रायपुर अर क्लेमन्टाउन क थाना अध्यक्ष अर पुलिस बल मौजूद छायीं।

दिखौण (प्रदर्शन) करण वलों के हत्थु मा नारा लिख्यां तख्ती अर यूकेडी झण्डा छायीं। यूकेडी क कार्यकर्ताओं न खूब हो-हल्ला कैकि खूब नारा बाजी कायी। अर विधानसभा अध्यक्षा ऋतु खण्डूड़ी क पुतला थैं आगि मा फुक्कि दें।

यूकेडी क तरफ बटि सुलोचना ईष्टवाल, उत्तरा बहुगुणा, संजय भट्ट, मोहन अस्वाल, शिवप्रसाद  सेमवाल, मधु सेमवाल, सविता देवी, मीनाक्षी घिल्डियाल, राजेश्वरी रावत, सुशीला पटवाल , ज्योति सजवान, मीना थपलियाल, गीता बिष्ट ,सविता देवी ,मंजू बहुगुणा, अनीता, अंजू रावत, आशा देवी, नीलम थपलियाल, संगठन सचिव अनिल डोभाल, संगठन सचिव राजेंद्र गुसाईं, केंद्रीय युवा मोर्चा अध्यक्ष राजेन्द्र बिष्ट, केंद्रीय उपाध्यक्ष जयप्रकाश उपाध्याय, महानगर अध्यक्ष दीपक रावत दिखौण करणा वलोें मा छायीं।