उत्तराखण्ड क्रान्ति दळ न बढ़दी बेरोजगारी क खिलाफ कायी मुख्यमंत्री आवास कूच

उत्तराखण्ड क्रान्ति दळ (यूकेडी) न आज प्रदेश म बढ़दी बेरोजगारी क खिलाफ मुख्यमंत्री आवास कूच कायी।
आज यूकेडी का कार्यकर्ता गांधी पार्क मा जमा ह्वै जख बटि उन्न मुख्यमंत्री आवास कूच कायी।

पुळिस न यूकेडी कार्यकर्ताओं थैं हाथीबड़कळा मा बेरिकेटिंग लगैकि मुख्यमंत्री आवास जाण से रोक द्यायी। ये दौरान यूकेडी कार्यकर्ता अर पुळिस क बीच खूब घपरोळ ह्वै।

यूकेडी न ब्वाळ कि 20 साळ बटि राज्य निर्माण की सोच पर राष्ट्रीय दळोंन पाणी फेर द्यायी। शिक्षा, स्वास्थ्य अर रोजगार नि मिळण से प्रदेश के ज्वान (युवा) ळगातार पळायन करणा खुणि मजबूर छन। रोजगार खुणि सरकार कूई ठोस नीति अभि तक बणैै साकि। सरकारळ रोजगार क नौं पर भ्रम फैळा क ज्वानों का भविष्य थैं अंधेरू कैरि द्यायी।

यूकेडी न सरकारी विभाग में खाळी प्वड़या पदों मा सीधी भर्ती करणा अर दगड़ा-दगड ब्वाळ कि उपनळ अर पीआरडी बटि हूंण वळि भर्ती पर रोक लगाणक मांग कायी।

ज्ञापन मा यूकेडी न ब्वाळ कि देहरादून मा नगर निगम क जमीन मा वेंडर जोन मा मूळ निवास जरूरी कैरिक उत्तराखण्ड क मूळ निवासियों थैं वेंडर लाइसेंस दिये जाणा क मांग सरकार से कायी।