उक्रांद क दप्तर मा दुसर दिन बि ह्वै घपरोळ , शिवप्रसाद सेमवाल गिरफ्तार

देरादूण। यूकेडी क केन्द्रीय दप्तर मा आज दूसर दिन बि घपरोळ ह्वै अर द्विया गुट अमणि समणि ऐग्यींन। जै थैं देखिकि पुलिस तैं बीच मा औंण प्वोड़िग्यें अर पुलिसन शिव प्रसाद सेमवाल अर एक दर्जन से जादा ळोगु तैं गिरफ्तार।

यूकेडी क दप्तर मा केन्द्रीय कार्यालय मा सुबेर बटि कि पुलिस तैनात छायीं अर द्विया गुट ळोग पौछ्ग्यीं। काशी सिंह ऐरी गुटन शिवप्रसाद सेमवाल तैं दप्तरा भितर नीं आण दे।

ऐरी गुटा कु ब्वन छायीं कि शिव प्रसाद सेमवाल, टीएस कार्की, सुलोचना ईष्टवाल, अनुपम खत्री, राजेन्द्र पंत, संजय डोभाल तैं पैळि पार्टी क खिलाप काम कारण क कारण छः साल खूंणि पार्टी बटि भैर कै याली छायीं। एक दिन पैळि युन पार्टी दप्तर मा तैं कब्जौंणा कोसिस कायी। शिवप्रसाद सेमवाल गुट बि दप्तर क भैर हि छायीं, उन्न भितर जाणा कोसिस कायी फर ऊतैं भितर नीं जाणि दे। जै कारण से वख हंगाम ह्वैग्यें, नारा बाजी सुरु ह्वैग्यें। पुलिसन द्विया गुटु तैं समझौंणा कोसिस कायी पर मामला शांत नीं ह्वै। जैका बाद पुलिसन शिवप्रसाद सेमवाल क दगड़ मा एक दर्जन से जादा कार्यकर्ताऔं तैं गिरफ्तार कायी अर पुलिस लैन मा लेकैकि ऐग्यें।