उत्तराखण्ड मा जल्दी लागू ह्वै सकदु यूसीसी

देरादूण। उत्तराखण्ड म समान नागरिक संहिता (यूसीसी) लागू करणा खूंणि धामी सरकारन त्यारि पूरि कै याली। नै साल म विधानसभा कु सत्र बुलैकि लागु कर्यें जै सकदु।

बतैं जाणु च जस्टिस रंजना प्रकाश देसाई क अध्यक्षता म बणि विशेषज्ञ समिति क तरफ बटि ड्राफ्ट त्यार कै याली अर खबर च कि समिति ये ड्राफ्ट तैं ऐ मैना मा हि सरकार तैं दे देलि।

यांका बाद जनवरी 2024 म सरकार विधानसभा कु विशेष सत्र बुलैकि सरकार समान नागरिक संहिता कानून प्रदेसा मा लागु कै सकदि।

उत्तराखण्ड देस कु पैलु प्रदेस च जख यूसीसी कानून लागु करणा कोसिस पैलि बटि हूंणि च। अब अगर पदेसा मा यूसीसी कानुन लागू हूंद त दिसा कदम बणौंणा वलु पैलु प्रदेस होलु।