त्रिवेन्द्रा गौळें फांस बढ़िग्यें, बेरोजगारु से माफि मंगण

देरादूण। देरादूण मा बेरोजगार संघा पर हूंया लाठीचार्ज पर जख पैल्यक मुख्यमंत्री त्रिवेन्द्र सिंह रावत खळाखळ माफि मंगणा छन अर ब्वना छन कि उन्न नी हूंणि चैंद छायीं अर अब हम माफि मंगणा क अलावा कुछ नीं कै सकदन।

एक तरफा त्रिवेन्द्र बेरोजगार नौनो स माफि मंगणा छन त दुसर तरफा त्रिवेन्द्रा बेरोजगारु मा माफि मंगणु अब उंकै गौळें फांस बढ़िग्यें।

विपक्ष ही ना प्रदेस जनता त्रिवेन्द सै सवाल करणि च, सवाल यों च कि गैरसैंण मा सड़क चौड़ि करणा क मांग करण वळा फर जु लाठीचार्ज ह्वै, वु गौ वळों से माफि कब मग्यें जाली।

ऐ मामळु मा कांग्रेस त लगातार हमला करणि च अर अब ऐ मामळा मा हरीश रावत बि ऐग्यीं। हरीश रावत न त्रिवेन्द्र से सवाल कायी कि गैरसैंण मा लांठु चलौंण पर कब माफि मंग्यें जाली।

हरीश रावत सोशल मीडिया मा लेखि कि अच्छु च कि भाजपा मा खळाखळ आत्म शुद्धि कु दौर चलणु च। बेरोजगार ज्वानु पर लांठु चलौंणा महापाप, अर वा खूंणि माफि मंगणु बौत बड़ी बात च। अब हम या उमेद करणा छा कि भराड़ी सैंण मा ब्यटुळों पर भि लाठीचार्ज ह्वै छायीं, वै फर मांफि कब मंग्यें जाली। आत्म शुद्धि कु सर्या उत्तराखण्डि जग्वाल करणु च।