सोशल मीडियाक खबर क बारा मा त्रिवेन्द्र न बोलि भाजपा कु सच्चु सिपै छौं

देरादूण। भाजपा के पैल्यक मुख्यमंत्री त्रिवेन्द्र सिंह रावत न सोशल मीडिया चलणि खबर पर बोलि बल बौत दुख हूंण च।

बतै दियां बल सोशल मीडिया मा एक खबर तैरणि च कि त्रिवेन्द्र क दगड़ मा भाजपा के 20 विधायक मिलिक कांग्रेस के सरकार बणणा खूंणि त्यार छन।

https://youtu.be/zuhWEEX9EHM

ऐ वीडिया फर त्रिवेन्द्र न झट्ट जवाब दे अर बोलि या म्यार खिलाफ साजिश च। उन्न कैकु नाम नि ल्यें पर बोलि यांका पिछने कैकु हत्थ जरूर च।

सोशल मीडिया मा 20 विधायकु क दगड़ मा मिल्कि कांग्रेस सरकार बणाणि च ईं बातिकु एक वीडियो चलणु च।

ऐ बातिल नाराज त्रिवेन्द्र बोलि कि डेढ मैना पैळि भि इन्न प्रचार कर्यें ग्यें छायीं। उन्न बोलि कि ह्वै सकदु ऊथैं पता नि च बल त्रिवेन्द्र कै माटु कु बण्यूं च। उन्न बोलि मि पार्टी एक सच्चु सिपै छौं अर खास कैकि मि आरएसएस कु सिपै। अर 20 साल बटि मिन भाजपा अर आरएसएस खूंणि काम कायी। इन्न मा मि इन्न कन्न कैकि सोचि सकदो।

त्रिवेन्द्रन बोलि बल जन्न खबर चलणि छन या बौत गम्भीर च। ऐ मा मिल्यां सबि मनखियों कु पता लग्यें कि ऊंका खिलाफ कड़ी से कड़ी कर्वै कर्यें जाणा चैंद।