गैरसैंण मा बणळु टीआरएच (टूरिस्ट रेस्ट हाउस) : महाराज

भराड़ीसैंण। पर्यटन मंत्री सतपाल महाराजन न बोल कि गैरसैंण मा जल्दी हि टीआरएच (टूरिस्ट रेस्ट हाउस) बण्यें जाळु। या बात महाराजन पत्रकारु थैं बतै।

महाराजन बोलि कि गैरसैंण मा टीआरएच बणौंणा दिसा मा सरकार न फैसळा कै याली। उन्न बोलि कि जिला प्रशासन जख बि जमीन हमथैं देंळु, वखि मा टीआरएच बणयें जाळु।

महाराजन बोलि कि गैरसैंण मा भैर बटि आण वळ ळोगु थैं यख बासा रैंणा मा बौत दिकदरि हून्द। उन्न बोलि कि टीआरएच बणण से गैंरसैंण मा बासा रैंणा क दिकदरि नी खतम ह्वै जाली।

महाराजन बोलि कि सरकार पर्यटन क तोक मा बौत खड़खडु़ ह्वैं की काम करणि च अर पर्यटन तोक मा विकास पर जोर देंणि च।