अबि तक 54550 करोड़ रुप्यौं कु निवेश पर करार ह्वीं: मुख्यमंत्री
दिल्ली। मुख्यमंत्री धामी न नै दिल्ली मा मीडिया से वार्ता कायी अर बोलि बल उत्तराखण्ड ग्लोबल इन्वेस्टर समिट क जरिया पैलि लंदन बर्मिंघम, दिल्ली अर अब दुबई अ अबू धाबी मा निवेशक समूहौं क दगड़ मा बैठक ह्वीं। जैमा अबि तक 54550 करोड़ रुप्यौं कु निवेश पर करार ह्वै।
मुख्यमंत्री न बोलि पदेश सरकारा कोसिस च कि 08 -09 दिसम्बर 2023 कु देरादूण मा हूंण वलु इन्वेस्टर्स समिट तक अबि तक सबि करारू पर काम हंूण चैंद। उन्न बोलि क निवेशा दगड़ा दगड़ि प्रदेसा रैवासियों तैं रूजगार देंणा अर प्राथमिक सेक्टर तैं हौरि कटकुट बणौंणा वला प्रस्तावु तैं पैलि प्रोत्साहित कर्यें जालु।
मुख्यमंत्री न बोलि सरकार न जु नीति बण्यीं छन वु निवेशकु, उद्योगु अर यखक लोगु क भलै तैं ध्यान मा धरिक बण्यें ग्यायी।
मुख्यमंत्री न बतै कि द्वी दिन कु यूएई दौरा मा कुल 15475 करोड़ रुप्यौं कु एमओयू पर दसकत कर्यें ग्यीन। उन्न बोलि पैलि दिन दुबई मा 11925 करोड़ अर दुसर दिन अबू धाबी में 3550 करोड़ रुप्यौं का एमओयू पर दसकत ह्वीं।