मंत्रिमण्डल बैठक मा तीन फैसलों तैं मिलि मंजूरि
मुख्यमंत्री धामिकि अध्यक्षता म मंत्रिमण्डला बैठक खतम ह्वेग्ये। मंत्रिमण्डल बैठक मा तीन फैसलों पर मुहर लगिग्ये।
2027सम हूंण वलु अर्धकम्भु मा 82 पदु पर भर्ति तैं मंजूरि दिये ग्यायी। शिक्षा विभागम प्रधानाचार्य की नियमावली मा संशोधन तैं बि मंजूरि दियेग्यायी। यांका अलावा ई-स्टांपिंग बन्दुबस्त मा बि बदलाव करे ग्यायी।
साल 2027सम हरद्वार मा हूंण वलु कुंभ म्यळा वास्ता 82 पदु पर भति तैं मंजूरि दियेग्यायी। 2027सम हरद्वार मा अर्धकुम्भ म्यळा जनवरी बटि अप्रैल मैना तक उर्यें जाणु। अर्धकुम्भ म्यळा वास्ता म्यळा अधिष्ठान दप्तर म कुल 82 पदु पर भर्ति करणा कु फैसला लिये ग्यायी। जैमा 9 पद स्थायी, 44 अस्थायी अर 29 आउटसोर्स बिटि भ्वरें जाला।
उत्तराखण्ड राज्य शैक्षिक राजपत्रित सेवा नियमावली 2022 कु नियम 5 भर्ति कु स्रोत, नियम 6 आयु अर नियम 8 अनिवार्य शैक्षिक/ प्रशिक्षण योग्यता म बदलाव करे ग्यायी।
उत्तराखण्ड प्रदेसम स्टाम्प शुल्क भुगतान खुणि तकनीकी नवाचार अर पारदर्शिता तैं अपनौंणा वास्ता जोर दिये जाणु च। यांका वास्ता डिजिटल ई-स्टाम्पिंग पेपरलेस ई-स्टाम्पिंग सुरु करणा वास्ता अधिसूचना संख्या-24 अप्रैल, 2023सा जरिया उत्तराखण्ड स्टाम्प नियमावली2023 प्रख्यापित करे ग्यायी।