प्रधानमंत्री क दिख्याँ बाटौं मा प्रदेस खळाखळ विकास करणु च : मुख्यमंत्री धामी
मुख्यमंत्री धामीन नै दिल्ली मा प्रधानमंत्री मोदी क दगड़ मा भेंट कायी अर प्रधानमंत्री तैं नीम करौली जी कु चितर अर उत्तराखण्डा चौंळ दीनि। मुख्यमंत्री न बोलि कि प्रधानमंत्री क दिख्याँ बाटौं मा चिलिकि प्रदेस खळाखळ विकास करणु च। मुख्यमंत्री न प्रधानमंत्री तैं दिसम्बर 2023 मा देरादूण मा उर्येंणु वैश्विक निवेशक सम्मेलन 2023 मा मुख्य अतिथि न्यूते।
मुख्यमंत्री न किच्छा-खटीमा रेवले स्टेशन प्रोजेक्ट क सर्या कीमत केन्द्र सरकार दियां अर अमृतसर-कोलकाता इंडस्ट्रीयल कॉरिडोर मा इंडस्ट्रीयल पार्क खूंणि केन्द्र सरकार कु भाग 410 करोड़ रुप्यौं तैं दियें जाणा क विनति कायी।
मुख्यमंत्री ने वाह्य मदत से बणणि परियोजनाैं मा कर्जा क सीमा तैं पैळि जनु करणा क विनति कायी। उन्न बोलि इन्न योजना मा करजा सीमा 12652 करोड़ रुप्या तक कै याली। जै से प्रदेस मा नै परियोजनौं कु प्रस्ताव तैं यीं परियोजना म जरिया प्रस्तावित करणु कठिण ह्वैग्यें।
मुख्यमंत्री न प्रधानमंत्री से जमरानी बांध बहुउद्देशीय परियोजना मा पैसौं क मंजूरि आर्थिक मामळों क कैबिनेट से दिल्यें जाणा विनति कायी।
मुख्यमंत्री न देरादूण अर ऋषिकेश मा यातायात तैं सुजिळु बणौंणा खूंणि देरादूण रेवले स्टेशन तैं हर्रावाला अर ऋषिकेश मा पुरणू रेलवे स्टेशना जमीन अर हरद्वार मा पीएसयू भेल क 457 एकड़ जमीन प्रदेस सरकार तैं देंणा विनति कायी।
मुख्यमंत्री न इन्फ्रा प्रोजेक्ट देहरादून-टिहरी टनल परियोजना अर पन्तनगर एयरपोर्ट तैं औरि बढु बणौंणा कामु मा तेजी ल्याणा क प्रधानमंत्री से विनति कायी।