सोशल मीडिया वायरल चिट्ठी मेरी लिख्यीं नीं च : गणेश जोशी

देरादूण। कैबिनेट मंत्री गणेश जोशी न बोलि एमडीडीए कालौनी, डालनवाला मा मस्जिद बणौंणा खूंणि जगा दियें जाणा क बारा मा जु खबर सोशल मीडिया मा वायरल हूंणि च वु ऊंकु नीं च।

कैबिनेट मंत्री न नै दिल्ली मा एक प्रेस वार्ता कायी अर सोशल मीडिया मा घुमणि चिट्ठी क बारा मा बोलि बल सोशल मीडिया मा रिटणि चिट्ठी ऊंकी नीं च। उन्न बोलि बल मि हिन्दू धर्म कु बामण जाति कु छौं। इन्न मा मि मस्जिद बणौंणा कु काम कन कैकि कै सकदु ? मंत्री न बोलि कि यु मेरी पछ्याण तैं खराब करणा खूंणि कर्यें ग्यायी।

गणेश जोशी न बोलि कि 2009 मा मि विधायक छायीं, तब मि कन्न कैकि उत्तराखण्ड सरकार कु चिह्न कु इस्तेमाल कै सकदु। उन्न बोल कि वायरल चिट्ठी मा ज्वा चिट्ठी च वैमा उत्तराखण्ड सरकार लिख्यूं च। मंत्री न बोलि जब मि विधायक छायीं तब मिन विधानसभा बटि जारी सदस्य विधानसभा उत्तराखण्ड कु लेटर पेड कु हि प्रयोग कायी।