लोक पर्व हरेला क छुट्टी सोमबार 17 जुलै खूंणि होलि

देरादूण। हरेला त्योवार क छुट्टी 16 जुलै 2023 न अब 17 जुलै 2023 खूंणि होलि किलैकि सर्या प्रदेस मा लोक हरेला कु तिवार 17 जुलै खूंणि मन्यें जाणु च।

मुख्मयंत्री क ब्वन फर सचिव सामान्य प्रशासन विनोद कुमार सुमना न ये बारा शासनादेश जारी कै याली। जारी शासनादेस मा लेख्युं च कि प्रदेस मा हरेला त्योवारा छुट्टी 16 जुलै 2023 खूंणि छायीं। पता चलिकि प्रदेस मा लोक तिवार हरेला 16 जुलै ना बल 17 जुलै 2023 खूंणि मन्यें जाणु च।

ऐ बारा मा विचार कैकि यीं विज्ञप्ति मा थ्वड़ा बदलाव कर्यें ग्यीं अब हरेला त्योवार छुट्टी 16 जुलै 2023 क जगा मा 17 जुलै 2023 सोमवार खूंणि राली। 17 जुलै खूंणि बैंक, कोषागार अर उपकोषागार मा बि छुट्टी राली।

बतै दियां बल राज्य कर्मचारी संयुक्त परिषदा प्रदेश अध्यक्ष अरुण पांडे बोलि छायीं कि हिंदू पंचांगा क अनुसार ऐसु क साल लोक तिवार हरेला 17 जुलै खूंणि मन्यें जाणु च अर लोक तिवार हरेला क छुट्टी 16 जुलै च। इल्लै उन्न मुख्यमंत्री से विनति कै छायीं कि लोक तिवार हरेला क छुट्टी 16 जुलै 2023 क जगा मा 17 जुलै 2035 खूंणि कर्यें ज्यां।