सरकारै पैलि प्राथमिकता जनता तैं राहत अर सुविधा देंणा कु च : धामी

मुख्यमंत्री धामिन आज शासकीय आवास पर प्रदेसा सबि जिलाधिकारियों दगड़ि आपदा प्रबंधन , कानून बन्दुबस्त अर प्रशासनिक कामु क बारम सर्या जाणकारी ल्यायी।

मुख्यमंत्रिन निर्देश दींन कि आपदा प्रभावित कुटुम्दरियों तैं मानका नुसार झट मददा राशि दियें ज्या अर जिमदारु तैं कगता नुकसान ह्वे यांका आकलन कैकि सरकार तैं बतै ज्या। मुख्यमंत्रिन साफ बोलि कि गदनों अर गदेरों का छाळ क्वीं बि निर्माण काम नीं होलि अर भवेष्य में इन्नु हि होलु, जै से भवेष्यम आपदा कु खतरा तैं पूरी तरौं खतम करे जै सक्यां।

मुख्यमंत्रिन चारधाम जातरा बाटौं पर सड़कियों तैं 15दिना भितर ठीक करणक बारम बि बोलि यांका दगड़ि मुख्यमंत्रिन प्रदेसम धर्मांन्तरण कानून से ज्ड़या मामलु की समीक्षा, दूर-दराज क्षेत्रम सकि मनखि पर नजर अर गौरु की तस्करी तैं रवक्णा वास्ता सकत कारवै करणा वास्ता अभियान चलौंणा निर्देश दींन।
मुख्यमंत्रिन प्रधानमंत्री मोदी कु जन्मबार से सेवा पखवाड़ा मनौंणा वास्ता सर्या प्रदेसम बहुउद्देशीय शिविर अर स्वास्थ्य कैंप उर्योंणा अर 1905 सीएम हेल्पलाइन समीक्षा कैकि लोगु दिक्कतु कु समाधान करणा बारम बोलि।