25 अप्रैल खूंणि खुळळा बाबा केदारा पाट
देरादूण। चारधाम जातरा 22 अप्रैल बटि सुरु हूंणि च। मां गंगोत्री अर यमुनोत्री धामा पाट 22 अप्रैल खूंणि खुलणा छन अर भगवान बदरीनाथ क पाट 27 अप्रैल खूंणि खुलळा।
आज महाशिवरात्रि कु दिन फर भगवान केदारनाथा द्वार खुलणा क तारिख तय ह्वैग्यें। आज बाबा केदारा क ह्यूंदा गद्दी स्थल ओमकारेश्वर ऊखीमठ मा केदार धामा द्वार खुलणा क तारिख तय ह्वैग्यें। बाबा केदारा द्वार 25 अप्रैल खूंणि खुलळा।
बाबा केदारा डोळि 21 अप्रैल खूंणि ओमकारेश्वर बटि केदारधाम खूंणि चलळि। रात्रि गुप्तकाशी अराम करणा क बाद 22 अप्रैल खूंणि फाटा, 23 अप्रैल खूंणि गौरीकुण्ड पौंछळि। 24 अप्रैल खूंणि सुबेर बाबा क डोलि गौरीकुण्ड बटि चळळु अर ब्यखुनी दा केदारनाधा मा पौचि जाळि।
25 तारिक खूंणि सुबेर 6 बजिक 20 मिनट पर मेष लग्न मा बाबा केदारा द्वार भक्तु खूंणि ख्वलें जाळा।