विकासा ऐना टोटु (खोखला) साबित ह्वैग्यें : हरीश रावत

देरादूण। पैल्यक मुख्यमंत्री हरीश रावतन आज एकदा दुबरा केद्र सरकार फर हमला बोलि। हरीश रावतन बोलि बल केन्द्र सरकार न हमथैं विकास कु जु ऐना दिख्यें छायीं वु ऐना टोटु (खोखला) साबित ह्वैग्यें।
हरीश रावतन बोलि कि कांग्रेस सत्ता मा ऐली त आर्थिक न्याय क दिसा मा काम कारली। उन्न बोलि कि केन्द्र अर राज्य सरकार आरक्षण तैं खतम करण चाणि च। उन्न बोलि केन्द्र सरकारा नीति सिरफ अमीर लोगु खूंणि च। सरकरि पदु मा भर्ति नीं करणा कु मतलब बि आरक्षण तैं खतम करणा कु च।

हरीश रावतन बोलि बल अमीर अर गरीब क बीच दूरी बढ़दै जाणि च। उन्न बोलि इन्न मा कांग्रेस सत्ता म आन्द त अमीर अर गरीब मनखियौं क बीच म दूरी कम कर्यें जाली

हरीश रावतन बोलि ब्यटुला तैं आरक्षण देंणा मामला मा भाजपा न साढ़े 9 साल बाद याद आणि च अर अब आरक्षण तैं लटकौंणा कु काम कर्यें जाणु च। उन्न बोलि भाजपा न राज्य सभा म महिला आरक्षण कु विरोध कै छायीं अर अब ये बिल तैं लटकौंणा कु काम करणि च। उन्न बोलि 2024 लोकसभा चुनौ मा कांग्रेस अंकिता भण्डारी कतल तैं उठौंणा क दगड़ मा जिमदारू अर दलितौं मामलौं तैं उठौंणा कु काम कारली।

हरीश रावत न बोलि भाजपा क सांसद रमेश बिधूड़ी त तरफ बटि बसपा सांसद दानिश अली तैं जु ब्वलें ग्यें, वीं बात फर बिधूड़ी पर केस चलण चैंद अर रमेश बिधूड़ी तैं संसद बटि भैर कैर देंण चैंद।