मुख्यमंत्री न प्रधानमंत्री थैं लोहाघाट मा मायावती आश्रम मा औणा कु न्यूतु दे
दून। मुख्यमंत्री धामीन आज संसद भवन नै दिली मा प्रधानमंत्री मोदी क दगड़ भेंट कायी। मुख्यमंत्री न सशक्त उत्तराखण्ड / 25 कु बारा मा विकासा कु बणयूं खाका प्रधानमंत्री थैं बतै अर ऐ बारा मा प्रधानमंत्री से भि सलाह लें।
मुख्यमंत्री धामी न प्रधानमंत्री थैं बतै कि सशक्त उत्तराखण्ड / 25 फर नम्बर कु मैना मा लालबहादुर शास्त्री राष्ट्रीय प्रशासन अकादमी चिन्तर शिविर उर्यें ग्यायी।
मुख्यमंत्री न प्रधानमंत्री थैं लोहाघाट मा मायावती आश्रम मा औणा कु न्यूतु दे।
मुख्यमंत्री न बतै कि नीति आयोग का तरौं State Institute for Empowering & Transforming Uttarakhand (SETU) बणौंणा कु काम सुरु कै याली।
मुख्यमंत्री न बोलि क प्रदेस मा ग्रीन फील्ड सिटी बणाैंणा खूंणि पाड़ अर सैंणा कु जनपदु मा 15 जगों कि पछ्याण कर्यें ग्यें। मुख्यमंत्री न बोलि कि राज्य मा कुपोषण खतम करणा खूंणि प्रदेस मा म्वाटु अनाजै क खाणु पिणा थैं बणौंणा खूंणि State Millet Mission बण्यें जाणु च।
मुख्यमंत्री न बोलि कि पर्वतमाला योजना मा 35 रोपव बणौंणा क त्यारि च, जै थैं बगत मा सुरु कर्यें जालु अर बगत मा पूरु कर्यें जालु। प्रदेस मा प्रदेसाक रैवासियों थैं पर्यटन से ज्वड़णा खूंणि होम स्टे कु विकास कर्यें जाणु च। मुख्यमंत्री न बोलि कि प्रदेस मा चारधाम जन धार्मिक जातरा क तरौं मानसखण्ड माला त्यार करणा खूंणि काम सुरु कर्यें ग्यें। जैमा पुरणा धार्मिक तोक अर पर्यटन सर्किट से ज्वड़ैं जाला जु अबि मुख्यधारा मा नीं छन।