मुख्यमंत्री न नै बण्यूं सरदार पटेल भवन कु लोकापर्ण कायी

देरादूण। मुख्यमंत्री धामीन आज कोर्ट रोड देरादूण मा नै बण्यूं सरदार पटेल भवन कु लोकापर्ण कायी अर नै बण्यां भवन क बारा मा जाणकारि ल्यायी। मुख्यमंत्री न 112 कंट्रोल रुम, स्टेट वीडियो सर्विलास सेंटर तैं बि देखि।

एक मौका फर मुख्यमंत्री न उत्तराखण्ड पुलिस क ई-बीट एप, उत्तराखण्ड क रैवासियौं खूंणि बणि सीईआईआर सेवा पोर्टल तैं बि सुरु कायी।

मुख्यमंत्री न आरक्षी नागरिक पुलिस, अन्तः कक्ष प्रशिक्षण क बारा मा छपि किताब कु विमोचन कायी। मुख्यमंत्री न बोलि कि अब पुलिस विभाग तैं कै बि तरौं क क्वीं बि दिक्कत नीं हूंदि। मुख्यमंत्री न बोलि क प्रदेस सरकार पुलिस कार्मिकों क भलै खूंणि सदिन त्यार च।

मुख्यमंत्री न बोलि कि ई-बीट एप तैं ऑनलैन समाधान , कानून बन्दबस्त तैं औरि कटकुट बणौंणा अर पुलिस क काम करणा क तरिकौं तैं बिना कागज कु मकसद से त्यार करयंे जाणु च। मुख्यमंत्री न बोलि कि प्रदेस सरकार पुलिस तैं स्मार्ट पुलिस बणौंणा क कोसिस करणि च। उन्न बोलि कि समाज तैं सुधरणा मा पुलिसा कु बौत बडु काम हून्द। उन्न बोलि कि प्रदेस मा करोड़ो पर्यटक आन्दन इन्न मा पुलिस प्रदेस सरकार क प्रतिनिधि क तरौं काम करदि। मुख्यमंत्री न बोलि कि प्रदेसा सरकार पुलिस विभाग क भलै खूंणि खळाखळ काम करणि च।

ऐ मौका फर अपर मुख्य सचिव राधा रतूड़ी अर डीजीपी अशोक कुमार बि अपडि बात बोलि। ऐ मौका फर सांसद श्रीमती माला राज्यलक्ष्मी शाह, विधायक खजान दास, अपर पुलिस महानिदेशक अभिनव कुमार वखम छायीं।