मुख्यमंत्री न केंन्द्रीय वित्त मंत्री से सौंग बांध पेयजल परियोजना खूंणि 1774 करोड़ रुप्यौं क मदत मांगि

मुख्यमंत्री धामी न आज नै दिल्ली मा केंन्द्रीय वित्त मंत्री श्रीमती निर्मला सीतारणम क दगड़ भेंट कायी। मुख्यमंत्री न सौग बांध पेयजल परियोजना खूंणि 1774 करोड़ रुप्यौं क वित्त पोषण भारत सरकार खास मदत करणा कु विनति कायी।

मुख्यमंत्री न केन्द्रीय वित्त मंत्री तैं बतै कि सौंग बांध पेयजल परियोजना क बणौंणा क बाद देरादूण नगर अर वैका उपनगर तोक मा 10 लाख आबादी तैं पिणा कु पाणि दियें मिललु। उन्न बोलि परियोजना बणण क बाद ळोगु तैं नलकूप बटि पाणि नीं भ्वरण प्वाड़ळु। उन्न केन्द्रीय वित्त मंत्री तैं बोलि कि प्रदेस मा खास परिस्थति अर कम वित्तीय संसाधन तैं देखिकि परियोजनौं तैं भैर बटि मिलण वळि मदद पर लग्यीं रोक तैं हटौंणा क विनति कायी।

मुख्यमंत्री न बोलि ।ठक् क जरिया देरादूण मा बाटौं मा बिजली क लैन तैं जमीन मा ताल लग्यें जाण कु काम कर्यें जाणु च। मुख्यमंत्री न आर्थिक कार्य विभाग वित्त मंत्रालय, भारत सरकारन बटि सबि योजनौं खूंणि मंजूरी दियें जाणा क विनति कायी।