मसूरी बटि देरादूण आणि बस भ्याळ मा लमड़ि, 2 मनखि ह्वैग्यी टुणपट
देरादूण। देरादूण मा आज मसूरी रोड मा शेरगड़ी मा बस भ्याळ मा लमड़ि ग्यें। जैमा 38 ळोग घैळ ह्वैग्यीं अर 2 मनखि टुणपट ह्वैग्यी।
घैळ हूंया 22 ळोगु थैं मसूरी मा सिविल अस्पताल अर 7 घैल मनखियों कु इलाज मैक्स अस्पताल मा चलणु च। बस भ्याळ मा लमड़णा खबर मिलण क बाद कैबिनेट मंत्री गणेश जोशी घैलु थैं दय्खणा खूंणि मैक्स अस्पताल मा पौंचिन जख उन्न घैलु क बारा मा जाणकारी लें अर डॉक्टरु थैं घैळु कु बढ़िया इलाज करणा क निर्देश दीं।
मंत्रीन बतै कि बस मा 40 ळोग जातरा करणा छायीं। भ्याळ लमड़ि बस मा द्वी मनखि वखिम टुणपट ह्वैग्यीं। उन्न बोलि कि बस भ्याळ मा कनकैकि लमड़ि यां खूंणि जांच क आदेश दे दीं।
गणेश जोशीन ब्वाल कि घटना दुख देंण वलि च अर सरकार घैल कु दगड़ मा च। उन्न बतै कि मुख्यमंत्री लगातार घटना क बारा मा जाणकारी लिंणा छन। सरकार त तरफ बटि जु बि मदत ह्वैळी वु कर्यें जाली।
बतै दियां कि आज सुबेर उत्तराखण्ड परिवहन क बस मसूरी बटि देरादूण आणि छायीं। बस शेरगड़ी क पास भ्याळ मा लमड़ि ग्यें। जैमा 38 ळोग घैळ ह्वैग्यीं अर 2 मनखि टुणपट ह्वैग्यी।