सरकार की हरेक नीति अर फैसला कु मूल उद्देश्य जनता की भलै अर प्रदेस विकासा वास्ता चः धामी
मुख्यमंत्री धामिन मुख्यमंत्री कैंप दप्तर मा उर्यूं जनता मिलन कार्यक्रम मा लोगुक दिक्कतु तैं सुणि अर ऊंकु हल कायी।
ऐ मौका पर मुख्यमंत्रिन अप्सरु तैं बोलिकि जनता की सिकैत अर मांग पर झट से कारवै करे ज्यां। उन्न बोलि कि ऐ मौका तैं हमथैं प्रसासन अर जनता तैं हौरि नजीक ल्याणा वास्ता काम करण प्वाड़लु।
मुख्यमंत्रिन बोलिकि सरकार कु लक्ष्य लोगुकि दिक्कतु कु समाधान झट अर संतोषजनक करणु च। उन्न बोलि यांका वास्ता उन्न हरेक विभागु तैं जिम्मेबरि से काम करणा अर लोगुकि उमेद अर संवेदनशील ब्यौहार करण प्वाड़लु।
मुख्यंत्रिन बोलि कि प्रदेस रजत जयंती बरसम लोगुकि भागीदारी अर संवाद कु मौका च। ऐ मौका फर जनता से मिल्यां सुझौ अर मांग तैं नीति बणौंणा मा सामिल कर जालु। उन्न बोलिकि सरकार कोसिस च कि प्रदेस कु हरेक मनखि तैं विकास योजना कु सीधा फैदा जल्दी से जल्दी मिल्यां।
मुख्यमंत्रिन जनता से बि प्रदेस भलै का वास्ता सुझौ अर जनसेवा कोसिस मा भागादीरी करणा विनति कायी। उन्न बोलि कि सरकार की हरेक नीति अर फैसला कु मूल उद्देश्य जनता की भलै अर प्रदेस विकासा वास्ता च।