फाउंडेशन कोर्स कु मूल मंत्र ‘ मि ना, हम च ’ : राष्ट्रपति

मसूरी। फाउंडेशन कोर्स कु मूल मंत्र-मि ना, हम च’ या बात राष्ट्रपति श्रीमती द्रौपदी मुर्मु न आज लाल बहादूर शास्त्री राष्ट्रीय प्रशासन अकादमी मूसरी मा सिविल सेवा क 97 वु कॉमन फाउंडेशन कोर्स क समापन समारोह मा बोलि। राष्ट्रपति न बोलि बल प्रशिक्षण मा प्रशिक्षण लिंण वला अधिकारियों थैं जु मूल्य सिखायां छन उथैं सैद्धंातिक दायरा तक हि नी रखण चैंद। उन्न बोलि कि देस क मनखियों खूंणि काम करदा करदा उंक समणि औरि कठिणै ऐ सकदन। राष्ट्रपति न बोलि कि समाज क भलै खूंणि क्वीं भि काम तबि पूरू ह्वै सकदु जब सब्यां ळोगु क दगड़ि मिलिकि काम कर्यें ज्यां।

राष्ट्रपति न प्रशिक्षु अधिकारियों थैं ळोगु से ज्वड़ा खूंणि सलाह दे। राष्ट्रपति न बोलि कि वु तबि उ से बात कै सकदन अर उंकी जरुरत थैं समझि सकदन अर उंकी भलै खूंणि काम कै साकळा।

राष्ट्रपति न प्रशिक्षु अधिकारियों मा ऐ बैच मा 133 नौनियों कु सामिल हूंण फर खुसी जतै अर बोलि कि हमर देस क विकास खूंणि ब्यटुळा अर आदिम द्वियों कु योगदान बौत जरूरी च।

राष्ट्रपति न साख कैकि नौनियों तई बोलि कि अपड़ि सेवा मा जखि भि रैयां, नौनियों थैं अगनै बढ़ौंणा मा उंकी मदत कर्यां।
ऐ मौका फर राष्ट्रपति प्रशिक्षण मा अच्छु काम करण वळा प्रशिक्षु अधिकारियों थैं सम्मानित भि कै।

राष्ट्रपति न अकादमी परिसर मा पोलो ग्राउंड अर पोलो एरिना, अकादमी कर्तव्य पथ, अकादमी अमृत टेलीमेडिसिन परामर्श सेवा केन्द्र अर मोनेस्टी परिसर, वॉक-वे ऑफ सर्विस कु उद्घाटन कायी।

ऐ मौका फर राज्यपाल लेफ्टिनेंट जनरल गुरमीत सिंह (से.नि.), ं मुख्यमंत्री पुष्कर सिंह धामी भि राष्ट्रपति क दगड़ मा छायीं।