तीर्थ पुरोहितों न मंत्रीक् घौर क भैर कायी ऊपदरू (हंगामा)

देरादूण। चारधाम जात्रा खत्म हूंण का बाद तीर्थ पुरोहितों न चारधाम देवस्थानम बोर्ड के विरोध औरि तड़तड़ो (तेज) कैरि द्यायी। आज तीर्थ पुरोहितोंन कैबिनेट मंत्री सुबोध उनियाळ अर बिशन सिंह चुफाळ के घौर क अगने विरोध कायी। चार धाम देवस्थानन बोर्ड थैं लेकैकि वखक तीर्थ पुरोहित अर हकहकूकधारी पैळि बटि आंदोळन करणा छायीं। अब जन्नि चारधाम जात्रा खत्म ह्वै उन्नि तीर्थ पुरोहित अस्थायी राजधानी देरादूण पौंचि ग्यीं। आज तीर्थ पुरोहितांेन कैबिनेट मंत्री सुबोध उनियाळ क घार क भैर धरना प्रदर्शन कायी अर देवस्थानम बोर्ड थैं खतम करणा क मांग कायी।

सुबोध उनियाळन अपड़ा घार के भैर ऐकी तीर्थ पुरोहतों थै मनाणा क कोशिश कायी अर ब्वाळ कि 30 नवम्बर तक रूक्का अर इंतजार कारा, सरकार कुईं बड़ु फैसळा कारळी। कैबिनेट मंत्री न ब्वाळ हमन पैळि भि 30 नवम्बर तक रूक्णा खूंणि ब्वाळ छायी अर अब्बि 30 नवम्बर मा बौत दिन बच्यां छन। तीर्थ पुरोहितोंन सरकार पर आरोप लग्यें कि सरकार अपड़ा वादा कैरिक भूळि ग्यायी।

तीर्थ पुरोहितोंन कैबिनेट मंत्री बिशन सिंह चुफाळ से भेंट कायी। बिशन सिंह चुफाळ न तीर्थ पुरोहितों थैं उचित कारवै करणा आश्वासन द्यायी।