सपा नेता क श्री बदरीनाथ धाम पर दियां बयान कु चौतर्फा ह्वै विरोध

देरादूण। समाजवादी पार्टीक नेता अर पैल्यक मंत्री स्वामी प्रसाद मौर्य न ज्ञानवापी मस्जिद तैं लेकैकि एक बयान दे। उन्न बोलि कि अगर से मामला मा पुरातत्व विभाग बटि जांच कर्यें जाणि च कि सबि हिन्दू मंदिरुक बि जांच हूंण चैंद। उन्न बोलि कि जादा मंदिर बौद्ध मठौं तैं तोड़िक बण्यें ग्यीं।

स्वामी प्रसा मौर्य न यख तक बोलि कि भगवान बदरीनाथ धाम आठवीं शताब्दी तक बौद्ध मठ छायीं। स्वामी प्रसाद क एक बयान क बाद सर्या उत्तराखण्ड मा चौतर्फा ऊंकु एक बयान कु विरोध हूंणू च।

चारधाम तीर्थ पुराहित महापंचैत न बदरीनाथ धाम पर स्वामी प्रसाद कु बयान कु विरोध कायी। महापंचैत अध्यक्ष सुरेश सेमवाल, महासविच डॉ. बृजेश सती, मौर्थ तैं बोलि कि पैळि यांका बारा मा पढण चैंद अर बाद मा कैथैं ज्ञान देंण चैंद। उन्न बोलि कि स्वामी प्रसार मौर्य अपड़ि राजनीति करणा छन। बदरीनाथ धाम हिन्दुऔं कु धाम च। जैथैं मोक्ष कु धाम ब्वलें जान्द। बदरीनाथ धाम बौद्ध धर्मा क पैदा हूंणि से पैलि बटि च अर आदि गुरु शंकराचार्य न प्रादुर्भाव पांचवी सदी मा ह्वै छायीं उन्न हि बदरीनाथ मंदिर कु जीर्णोद्धार कायी।

त वखि बदरी केदार मंदिर समिति क अध्यक्ष अजेन्द्र अजय न बोलि बदरीनाथ धाम करोड़ों हिन्दुऔं क आस्था कु केन्द्र च। समाजवादी सदनि हिन्दू विरोधी र्यां। उन्न बोलि कि यु बयान हिन्दु मंदिरु तैं विवादित बणौंणा कोसिस च।

प्रदेसा मुख्यमत्री धामीन बोलि कि हिन्दू आस्था क केन्द्र भू बैकुंठ श्री बदरीनाथ धाम फर समाजवादी पार्टी क नेता क टिप्पणी दुर्भाग्यपूर्ण। उन्न बोलि कि ‘महागठबंधन’ क एक सदस्य समाजवादी पार्टी क एक नेता क यु बयान कांग्रेस अर वैंका दगड़यौं क देस अर धर्म विरोधि सोच च।