स्वामी राम जी एक मानवतावादी, दार्शनिक, शिक्षक अर योगी छायीं : मुख्यमंत्री धामी
मुख्यमंत्री धामीन आज जौलीग्रान्ट देरादूण मा बण्यूं स्वामी राम हिमालयन विश्वविद्यालय मा चिकित्सा शिक्षा कु उर्यूं 13 वु राष्ट्रीय सम्मेलन मा भाग ल्यें।
ऐ मौका फर उन्न बोलि कि हिमालयन इंस्टिटयूट हॉस्पिटल ट्रस्ट क संस्थापक स्वामी राम जी एक मानवतावादी, दार्शनिक, शिक्षक अर योगी छायीं। मुख्यमंत्री मंत्रीन बोलि कि स्वामी रामा न पाड़ि प्रदेस मा जनता क भलै खूंणि या ट्रस्ट बणें।
मुख्यमंत्रीन बोलि कि आज आज प्रदेस मा हेल्थ इंफ्रास्ट्रक्चर कै गुना बढ़िग्यें। प्रदेसा क सबि जिलों मा ऑक्सीजन प्लाट लग्येंगीन। प्रदेस मा आयुष्मान योजना मा 5 लाख 83 हजार से जादा बिमारू मनखियों कु मुफत मा इलाज ह्वै।
मुख्यमंत्री न बोलि कि अबि भारत सरकारळ प्रदेस थैं रक्तदान मा सर्या देस मा दुसरू स्थान मिलि। उन्न बोलि कि हमथैं अगनै बणणा च त हमथैं अपड़ा छात्रों थैं सै ज्ञान, कौशल से चकदक करण प्वाड़ळु। जु आज बगत क मांग च। उन्न बोलि कि हमथैं कोविड महामारी न सीखै कि हमथैं सबि हलातु खूंणि त्यार रैंण प्वाड़ळु।
मुख्यमंत्री न बोलि कि हमरा मेडिकल कॉलेज थैं शिक्षण क दगड़ा ईं शिक्षण खूंणि भि त्यार रैंण प्वाड़ळु अर ईं’ मॉडयूल अर टेलीमेडिसिन से भि चकदक रैंण प्वाड़ळु।
ऐ मौका फर नीति आयोग दिल्ली क सदस्य डॉ. विनोद कुमार पॉल, स्वामी राम हिमालयन विश्वविद्यालय क कुलपति डॉ. विजय धस्माना, प्रतिकुलपति डॉ. विजेन्द्र चौहान, हिमालयन आयुर्विज्ञान संस्थान क प्रधानाचार्य डॉ. अशोक देवराड़ी अर औरि लोग मौजूद छायीं।