सर्यूधार तलौ से अगने एक हैंकु तौल बणिग्यें , जै से तलौ के नजीक रैंण वला गौ क रैवासियों मा डौर

डोईवाला। डोईवाला विधानसभा क तोक मा बण्ईं सूर्यधार झील से थ्वड़ा सी अगनै एक हैंकु तलौ बणिग्यें। जै से तलौ के इन्ने-फुन्ने रैंण वला गौ के रैवासियों डर्यां छन। या खबर जन्नि अधिकारियों थै मिळि, अधिकारियों मा रंगताट ह्वैग्यें।

बतै जाणु च कि पाड़ बटि ऐयां गदना क कारण सर्यूधार से 2 किलोमीटर अगने ऐ तौल बणिग्यें। जैमा बौत पाणि जमा ह्वैग्यें। तलौ बणणा से तलों के नजीक रैंण वला गौ क रैवासी डर्यां छन।

गौ वलों क ब्वन च कि इठरना मा सड़कि कु काम हूूंण च। सड़कि क काम मा पाड़ थैं कट्टणा कु काम च हूं। गौ वलों के ब्वन च पाड़ थैं काटिक माटू थैं गदना मा हि डल्लें जाणु च। जै कारण से जखान मा एक तलौ बणिग्यें।

ईं वु कारण च कि जै से गौ रैवासी डर्यां छन। गौ वलौं थैं बस्गाल मा तलौ क टूट्णा कु डौच च।

गौ वलों क ब्वन च कि उन्न ऐ बारा मा अधिकारियों थैं बतै लेकिन अधिकारियों के ऊंकी एक बात नि सूंणि। जै कारण से जाखन मा तलौ बणिग्यें। अर आज रानीपोखरी पुळ, जाखन पुळ अर जाखन क छाल मा रैंण वला मनखि मा आज डैर च।

त दूसर तरफ अधिकारी गोलमोल जवाब देंणा छन। अफसर ब्वना छन कि पाड़ टूटणा क बाद जू माटू ऐ, वु सीधा जाखन मा जमा ह्वैग्यें अर तलौ बणिग्यें। उन्न बोलि मुसकिला कु हल बौत जल्दी निकलें जालु।