सुपिनु-सुपिनु हि रैग्यें,, स्मार्ट सिटी फर हरीश रावतन उठे सवाल

स्मार्ट सिटी देरादूण फर हरीश रावतन एकदा दुबरा सवाल उठ्यें। उन्न सोशल मीडिया मा एक पोस्ट लेखिकि बोलि बल स्मार्ट सिटी देरादूण मा घूमद्दा दा मिथैं जगा-जगा पाणि क खडवळा हि खडवला (गढ्ढे ही गढ्ढे) देखिकि इन्नु लगि कि स्मार्ट देरादूण त न, स्मार्ट राजपुर रोड भि बण्यें सक्यां।

उन्न बोलि कि हमन स्मार्ट देरादूण क तरौं कै प्रोजेक्ट्स बण्यें छायीं, जन इंदिरा मार्केट छायीं। साढ़े पांच साळु मा वु प्रोजेक्ट पता नि कख ख्वेंग्यीं। हमन टी गार्डन मा नै दून बणाणा कु प्लान त्यार कर्यूं छायीं। जैकु पर्यावरण प्रेमियों न विरोध कायीं त हमन अपड़ा लपाक (कदम) पिछने खींचिं दे। अब हमथैं अफसोस हूंण च। चायक बगीचा मा न सै, रायपुर मा हि सै, नथर कखि औरि सै, हमथैं नै दून त बणाण हि प्वाड़ळु।