स्टाफ नर्स भर्ती , सोशळ मीडिया मा घुमणूं ऑडिया क अजमैस (जांच) ह्वै शुरू

देरादूण। सोशळ मीडिया एक ऑडियो खूब घुमणूँ च। ऑडिया म चिकित्सा स्वास्थ्य, परिवार कल्याण अर चिकित्सा शिक्षा विभाग मा स्टाफ नर्स क भर्ती क बारा मा द्वी स्टाफ नर्स छुईं लगाणि छन। द्विया नर्स आपस एक-एक ळाख रूपया जमा करणा क छुईं लगाणि छन। अर ब्वळणी छन कि बात मत्थी तक ह्वैै ग्यायी। अर रूपया अगर कम ह्वाळा ते 50,000 हजार औरि भि देंण प्वड़ळा। साफ च कि ईं छुईं नौकरी लगौंणा क बारा मा हूंण च।

सोशळ मीडिया मा घुमणूं ऐ ऑडियाें क बारा मा अब उत्तराखण्ड शासन न जाणकारी ल्याळ। अर पुळिस थैं सोशळ मीडिया मा घुमणूं वळ ऑडिया पर जांच कैरिक सच्चैं थैं पता लगाणा अर सिरपत लिंणा क मामळा मा जु-जु ळोग शामिळ छन ऊं पर छट्ट (तुरन्त) मुकदमा दर्ज कैरिक कार्यवाही करणा का निर्देश दीं। ऐ बारा मा चिकित्सा शिक्षा विभाग क उप सचिव मुकेश कुमार न थानाध्यक्ष कोतवाळी देरादूण थैं चिट्ठी लेखिक निर्देश दीं।

पुळिस ळ ऐ मामळा मा जांच शुरू कैरि द्यायी।

बतै दिय्याँ कि उत्तराखण मा स्टाफ नर्स क 2600 सौ से जादा पद मा भर्ती हूंणि च। ईं भर्ती क बारा मा सोशळ मीडिया मा एक ऑडिया घुमणूं च। जैमा द्वी नौंनी आपस मा अपड़ि नौकरी लगाणा खूंणि 1 लाख रूपया देंण क बात करणि छन। बताये त इन जाणू चि कि द्विया नौंनी विभाग नर्से क पद पर काम करणी छन।

द्विया नौंनी क छुईंयों ळ भर्ती परीक्षा क दगड़ा-दगड़ा सरकार पर शक क घेर मा च।