सिलक्यारा सुरुंग, 30 मीटर बर्टिकल ड्रिलिंग ह्वै

देरादूण। सिलक्यारा टनल रेस्क्यू ऑपरेशन क बारा म आज अस्थाई मीडिया सेंटर सिल्क्यारा मा मीडिया दगड़ बात कायी सचिव उत्तराखण्ड शासन डॉ. नीरज खैरवाल न बतै कि पाइप मा फस्याँ ऑगर मसीन क ब्लेड अर शाफ्ट तैं कटणा कु काम पूरू ह्वैग्यें अर ऑगर मसीन क हेड तैं निकलणा कु काम चलणु च। जै खूंणि 1 मीटर पैप तैं बि कटे ग्यायी। अपर सचिव, सड़क परिवहन राजमार्ग मंत्रालय भारत सरकार अर एम डी (एनएचआई डीसीएल) महमूद अहमद न बतै कि वर्टिकल ड्रिलिंग कु काम धकाधक कर्यें जाणु च। उन्न बतै कि अबि तक 30 मीटर बर्टिकल ड्रिलिंग ह्वैग्यायी अर अगनै कु काम चलण च। ऐ मौका फर सूचना महानिदेशक , एसडीआरएफ कमांडेंट मणिकांत मिश्रा बि छायीं।