सिलक्यारा: मुसिकल बगत भुरत्यौं न जु सहास दिख्यें, वा से हम सब्यौं क मनोबल बि बढ़ै

देरादूण। मुख्यमंत्री धामी न आज मुख्यमंत्री कैम्प कार्यालय कु मुख्यसेवक सदन म उर्यूं ‘आदर अभिनन्दन, आभार मिशन सिलक्यारा’ कार्यक्रम म श्रमिक संगठनु कु आभार कर्ये ग्यायी। मुख्यमंत्री धामी न बोलि कि उत्तरकाशी क सिलक्यारा सुरूंग बटि 41 भुरत्यौं तैं सै सलामत भैर निकलणा खूंणि केन्द्र अर प्रदेस सरकार क सबि एजेंसियों न बौत अच्छु काम कायी। उन्न बोलि कि ऐ मुसिकल बगत मा जनु सहास दिख्यें वु हम सब्यौं तैं सदिन प्रेरित करणा कु काम कारालु।

मुख्यमंत्री न बोलि कि प्रधानमंत्री मोदी क मार्गदर्शन अर भुरत्यों क हिकमत से ही यु बचाव कु काम सफल ह्वै। ऐ रेस्क्यू ऑपरेशन म प्रधानमंत्री दप्तर न टोलि मौका पर रायीं। उन्न बोलि कि केन्द्रीय अर प्रदेस एजेंसियों क तालमेलन ऐ काम तैं सफल बण्यें ग्यायी अर सुरूंग मा फस्यां भुरत्यौं क हिकमत न ऐ अभियान तैं सफल बणौंणा खूंणि सब्यौं मु मनोबल बि बढ़ै।

ऐ मौका पर श्रमायुक्त सुश्री दीप्ति सिंह, भारतीय मजदूर संघ क् सुमित सिंघल, ट्रेड यूनियन कॉर्डिनेशन क् अध्यक्ष नवीन कुरील क दगड़ श्रमिक संगठनों के प्रतिनिधि अर भुरत्यौं क कुटुम्दरि बि छायीं।