श्री अन्न महोेत्सव-2023, उर्यांण खूंणि केन्द्रीय कृषि मंत्री न मुख्यमंत्री अर कृषि मंत्री तैं बधै दे

देरादूण। उत्तराखण्ड मा चलणु श्री अन्न महोेत्सव-2023 आज खतम ह्वैग्यें। ऐ मौका फर सामिल केन्द्रीय कृषि मंत्री नरेन्द्र तोमर न बोलि कि भारत न सर्या दुन्या मा अग्वाड़ि रै कैकि मिलेट्स कु प्रचार कायी। नरेन्द्र तोमर न उत्तराखण्ड क जनता तैं भरासु द्यायी कि प्रदेस मा म्वाटु नाज खूंणि केन्द्र सरकार तरफ बटि जु बि मदत ह्वैळी पूरि कर्यें जाली, जै से उत्तराखण्डा म्वाटु नाज तैं सर्या दुन्या मा नै पछ्याण मिलिळि।

केन्द्रीय कृषि मंत्री न उत्तराखण्ड सरकार मा उर्यूं श्री अन्न महोत्सव क बढ़ै कायी अर बोलि कि मुख्यमंत्री धामीन अर कृषि मंत्री क मदत न इतगा बड़ु श्री अन्न महोत्सव उर्यें ग्यें। उन्न मुख्यमंत्री अर कृषि मंत्री जोशी तैं कृषि मंत्रालय क तरफ बटि बधै द्यायी। केन्द्रीय मंत्री न बोलि कि मिलेट्स तैं सर्या दुन्या मा थ्कुळौं मा जग मिल्यां यां खूंणि हमतैं मिलेट्स पर काम करणु प्वाड़ळु। उन्न बोल ऐ तैं देखिकि हि भारत सरकारन मिलेट्स तैं पोषक नाज मा अधिसूचित कायी अर साळ भर अभियान चल्यें। जैका बाद संयुक्त राष्ट्र संघ मा प्रधानमंत्री न ज्वार-बाजरा, कुटकी, रागी, मंडुवा, जै कु वैज्ञानिक प्रमाण च अर जै मा खुब पोषक तत्व छन तैं धैरीं। प्रधानमंत्री क प्रस्ताव फर संयुक्त राष्ट्रान यु फैसळा कायी कि 2023 तैं सर्या दुन्या मा मिलेट ईयर क रुप मा मनयें जाळु।

केन्द्रीय कृषि मंत्री नरेन्द्र तोमर न बोलि कि प्रधानमंत्री मोदी न जब बि म्वाटु नाजा क बात बोलि त म्वाटु नाज तैं अगनै बढ़ौंणा खूंणि उन्न राज्यौं तैं सबि तरौं क कोसिस करणा खूंणि बि बोेलि।

वखि ऐ मौका फर कृषि विभागा निदेशक न बोलि कि प्रधानमंत्री न पहल कायी अर आज देस मा सबि राज्यों मा म्वाटु नाज तै लेकैकि काम कर्यें जाणु च। उत्तराखण्ड मा म्वाटु नाज पर सरकार बौत अच्छु काम हूंणि च। वखि आचार्य बालकृष्ण न बोलि बल म्वाटु नाज मा सबि पोषक तत्व हून्दन, जु कतगै बिमरि मा लड़ण क तागत दीन्द।