सेना न पकड़ि पाकिस्तानी कबूतर

भारत पाकिस्तान सीमा पर बमियाळ सेक्टर मा आज सुबेर एक पाकिस्तानी कबूतर पकड़ें ग्यायी। पठानकोट जिला पैळि बटि आतंकवादियों क निशाण मा च। कबूतर पर पाकिस्तान ठप्पा ल्गयूँ छायी इन दावा बीएसएफ न कायी।

यां से पैळि बुधवार खुणि बीएसएफ न टिंडा फारवर्ड पोस्ट पर भि पाकित्सान क तरफ बटि अयां लैट लंग्या गुब्बरा पकड़िन।

आजै घटनाक्रम क बार मा पठानकोट का एसपी न बते कि एक कबूतर बार-बार चक्कर मर्णु छायी, जै कारण बीएसएफ का जवानुळ वैथें पकड़ द्यायी।

कबूतर की जांच करणा पर पता चळि कि कबूतर पाकिस्तान बटि अंय्यू छायी।
जांच मा पता चळि कि वैका पौंखुड़ों मा सियाळकोट गु्रप क ठ्प्पा ल्गयूँ छायी। सुरक्षा एजेंसी का जांच मा कबूतर फर क्वीं डिवाइस अर चिप त नि ळग्यी पैं। कबूतर थैं स्केन कैकि वै फर नजर रखें जाणी च।