सचिव आपदा प्रबंधन अर पुर्नवास न चारधाम जातरा क सफल संचालन क बारा मा समीक्षा कायी

देरादूण। सचिव आपदा प्रबंधन अर पुर्नवास रंजीत सिन्हा न आज सचिवालय मा एनडीएमए बटि अयां अधिकारियौं क चारधाम जातरा क सफल संचालन क बारा मा समीक्षा बैठक कायी। बैठक मा एनडीएमए क राजेन्द्र सिंह न प्रदेस मा चलणि चारधाम जातरा क बन्दबस्त क समीक्षा कायी। उन्न जातरा तैं औरि सजिलु अर अच्छु बणौंणा खूंणि विभागीय अधिकारियौं मा बटि जातरा मा कर्या बन्दबस्त क जाणकारी ल्यायी। उन्न बोलि कि पिछल जातरा क तजुर्बा क बाद प्रदेस सरकार न जातरा बन्दबस्त मा बौत सर्या बदलौ करिन, जै थैं प्रधानमंत्री कार्यालय बटि नजीक बटि देख्यें जाणु च। उन्न बोलि कि जातरा मा बाटौं क दसा, मोटरु कु बन्दबस्त, स्वास्थ्य, पुलिस चैक पोस्ट, जातरियौं क पंजीकरण जन्न काम योजना बण्यें कि कर्यें ज्यां। उन्न बोलि कि मंदिरु मा भितर जाणा खूंणि श्रद्धाळुऔं क भिवड़ाट मा कैथैं दिकदरि नीं हूयां अर सब्यौं तैं टुप्ट (शांन्तिपूर्ण) कैकि भगवान क दर्शन हूयां इन्नु बन्दबस्त कर्यें ज्यां।

बैठक मा एनडीएमए भारत सरकार से कर्नल के. पी. सिंह, महानिरीक्षक एसडीआरएफ श्रीमती रिद्विम अग्रवाल, आई.आर.एस विशेषज्ञ वी.बी. गणनायक अर औरि अधिकारी छायीं।