गुम ह्वै ग्यीं चंपावत सदर क एसडीएम, मोबैल भि बन्द
चम्पावत एसडीएम सदर अनिल चन्याल आज सुबेर बटि अपड़ा घार बटि लापता छन। बत्यें जाणु च बल वु सरकरि गाड़ी अर मोबैल भि घार मा हि छोड़िक ग्यीं।
कुमौं कमिश्न र ऐ बारा मा डीएम नरेन्द्र सिंह भण्डारी अर एसपी चंपावत देवेन्द्र पिंचा से फोन पर बात कायी।
जानकारि च सुबेर एसडीएम अनिल चन्याल अपड़ा सरकारि घौर मा नी छायीं। वु द्वी दिन बटि छुट्टी मा छायी। ऊंक खाणा कु बणाणा वला न पुलिस थैं बतै बल अनिल चन्याल एक कागज मा कुछ लेखिक छोड़ि ग्यें, जैमा उन्न लेखि ऊंकु फोन आपदा प्रबंधन विभाग थैं दियें ज्यां कैलिकि वु ऊंकी सम्पति च।
ऐ मामला मा जन्नि कुमौं कमिश्नर थै खबर ह्वै उन्न डीएम चंपावत थैं सर्विलांस क मदत अर सीसीटीवी कैमरौं थैं दय्खण खूंणि बोलि। पुलिस एसडीएम चन्याल थैं ख्वजणा मा लगि च।