स्वास्थ्य विभाग मा घोटला हि घोटाला छन : करन माहरा

देरादूण। उत्तराखण्ड कांग्रेसक नै बण्यां प्रदेस अध्यक्ष करण माहरा ने स्वास्थ्य विभाग पर भ्रष्टाचार के बड़ा आरोप लग्यें । करण माहरा ने कुम्भ म्यळा मा करोड़ो रुपयों क मसीन खरिदण क मामला मा गड़बडी का बात बोलि।
उन्न बोलि कि सरकारन केवल जांच कायी बस। जांचाकु क्या ह्वै अबि तक कै थैं नि पता।

उत्तराखण्ड कांग्रेस के प्रदेस अध्यक्ष करण माहरा ने आज अपड़ि पैळि प्रेस कॉन्फेंस कायी अर स्वास्थ्य विभाग मा ह्यां खरीद थैं लैकैकि सरकार थैं घेरणा क कोशिश कायी। उन्न कागच दिखें कि ब्वाल कि कुंभ म्यळा मा स्वास्थ्य विभागन एम आर आई मसीन मूल्यांणा मा घपला कायी। उन्न बोलि कि हरिद्वार कुम्भ म्यळा मा बौत मसीन मूल्यें ग्यीं जै मा रुपयों को खूब बंदरबांट ह्वै।

उन्न बोलि कि कुम्भ मेळा मा 4 करोड क मसीनियों थैं 9 करोड रुपयों मा मूल्यें ग्यायी।
उन्न बोलि कि कुम्भ मेळा अर दून मेडिकल कॉलेज मा जू एमआरआई मसीन मूल्यें ग्यीं चीन में बण्यीं छन।

उन्न ब्वाल कि एक तरफौं सरकार ब्वलद कि हमथैं चीनकु बण्यूं समान नि खरीदण चैंद अर दूसर तरफौं अफ चीनक बण्यीं मसीन मूल्यांणि च।

माहरा न ब्वाल कि अपड़ा-अपड़ा लोक्खु थैं फैदा पौंचाणा खूंणि सरकारन काम कायी। उन्न बोलि कि कैबिनेट धन सिंह रावत के विभाग मा घोटाला हि घोटाला हूंणा छन। इन्न मा धन सिंह रावत थैं नैतिकता के आधार पर अपडु इस्तीफा देंण चैंद। उन्न ये घोटाला क जांच रिटायर्ड जजाक कमेटी से करण क मांग भि कायी।