सतपुळी, स्यूंसी झीळळ ह्वाळु चौबट्टाखाळ तोककु (क्षेत्र) विकास

पौड़ी। कांग्रेस उत्तराखण्ड क विकास खूंणि सबसे बड़ि बाधा च। सत्ता मा रैंद दा कांग्रेस न कभि भि प्रदेस क विकास क चिंता नि कायी। आज प्रदेस सरकार प्रधानमंत्री नरेन्द्र मोदी क बत्यां बाटु मा चलणि च अर विकास गौं-गौं तक पौंचणु च। या बात भाजपा क नेता अर चौबट्टाखाळ बटि प्रत्याशी सतपाळ महाराजन ब्वाळ।

महाराजन आज चौबट्टाखाळ तोक क रैवासियों से जनसम्पर्क कायी। महाराज न बरखा अर क्षेत्र मा प्वड़यु ह्यूं (बर्फ) ळ खराब बिजळी अर पाणि क लैन ठीक करणा खूंणि विभागीय अधिकारियों खूंणि भि ब्वाळ।

सतपाळ महाराजन पोखडा, मण्डळ मा गिवाळी, भेटी, ओडगांव, बौन्दर, दलमाणा, जयखाल और गडोली क रैवासियों क दगड़ जन सम्पर्क कायी। अर 14 फरवरी खूंणि कमळा कु बटन दब्बैं की भाजपा थैं जिताणों क अपीळ कायी।

महाराजन ब्वाळ कि भाजपा सरकारळ प्रदेस मा बौत विकास क काम कर्यीं। उन्न ब्वाळ कि ऊंका कार्यकाळ मा विधानसभा मा सड़क्यिों क डामरीकरण ह्वै। 1084.84 ळाख रूप्यों क 5 लिफ्ट सिंचाई खूंणि अर 13655.57 लाख क 6 पंपिंग योजना थैं मंजूरी मिळि ग्यायी।

उन्न ब्वाळ कि 116.43 करोड़ क सतपुली अर 48.24 करोड़ क स्यूंसी झील द्वी प्रोजेक्ट छन जै से चौबट्टाखाळ तोककु कायाकल्प ह्वै जाळु।

सतपाळ महाराजन आज बौन्दर अर नाई गौं मा कांग्रेसी कार्यकताऔं थैं भाजपा क सदस्यता भि दीलें। भाजपा मा सामिळ हूंणि वळों मा बौन्दर गौं क प्रेम सिंह, राजे सिंह, ठाकुर सिंह, बीरेन्द्र सिंह, भुपेन्द्र सिंह, आनन्द सिंह, अरविंद सिंह, भूप सिंह, तेजपाल सिंह, रोशनी देवी, जसपाल सिंह अर नाई गाँव बटि गोदाम्बरी देवी, गोकुल सिंह रावत, शिवानी रावत, कंचन रावत, मोनिका, निशा रावत, सिमरन रावत, गीता गुंसाई, श्रुति रावत, पूजा रावत, मंगल सिंह छायी।

त दूसरी तरफ महाराजन क धरवळि (धर्मपत्नी) श्रीमती अमृता रावतन इठुण, पिपली, सन्यू और झंगरबौ मा त ऊंका बड़ु नौंना न श्रद्धेय रावत न बखरोडी, पडियारधार, चिफल दुंगी, राजखील, बुरासी, पोखरी, कुल्हाड़ और हटुड़खोली मा जनसम्पर्क कायी।

महाराज नक छ्व्ट्टा नौंनन सुयश रावत न इगासर मण्डळ मा कोयलगांव, दहेली, तलगल, नन्दोली, कगथून, ईडामल्ला, ईडातल्ला अर नौगांवखाल जनसम्पर्क कायी अर महाराज खूंणि बोट मंगि।