भाजपा न खोळि सतपुळी मा चुनौं कार्याळय
सतपुळी। सतपुळी मा भाजपा ने आज अपडु़ चुनौं कार्याळय क शुभारम्भ कायी अर चुनौं प्रचार क शुरूआत काय।
https://youtu.be/QRcnmRckonc
विधानसभा चौबट्टाखाळ क नगर पंचायत सतपुळी मा श्रीमती अमृता रावत ने पैळि भाजपा चुनौं कार्याळय मा पूजा कैकि रिबन काटि अर चुनौं कार्याळय कु उद्घाटन कायी।
ऐ मौका पर अमृता रावत ने सब्बि कार्यकताऔं थैं चुनौं दफतर ख्वळण क शुभकामना द्यायी। अमृता रावत न कार्यकताऔं ब्वाळ कि 2022 विधानसभा चुनौं मा एक ह्वै कैकि सतपाळ महाराज थैं दुबरा चौबट्टाखाळ बटि विधानसभा मा भेय्जयाँ अर प्रधानमंत्री थैं एक कमळाकु फुळ भेंट कर्यां।
उन्न ब्वाळ कि महाराज न पांच साळु मा विधानसभा चौबट्टाखाळ मा बौत विकासाक क काम करि। उन्न ब्वाळ कि महाराज क विकासाक कामु थैं लेकैकि हमथैं घार-घार मा प्रचार कैकि बोटा क अपीळ करण।
चुनौ कार्याळय क शुरू करणा क बाद श्रीतमती अमृता रावत न शीळा, कबरा, रीठाखाळ, काण्डर्ड अर हळुणि गौं मा रैवासियों दगड़ जन सम्पर्क कायी।
त दूसर तरफ सतपाळ जी महाराज न सेडियाखाळ, संगळाकोटी बजार, भैंड़गांव, गुडिण्डा, सल्ड, मेहरगांव बणेथ, बडोळ गौं, अर बासई मा जन सर्म्पक कायी।