सतपाल महाराजन केन्द्रीय सड़क परिवहन अर राजमार्ग मंत्री नितिन गडकरी दगड़ि मुखाभेंट कायी

देरादूण। प्रदेसा लोक निर्माण, पर्यटन धर्मस्व संस्कृति मंत्री सतपाल महाराजन केन्द्रीय सड़क अर राजमार्ग मंत्री नितिन गडकरी दगड़ि मुखाभेंट कायी अर ओल्ड लिपुलेख दरा बिटि वख तक जख बिटि कैलाश दर्शन हूंदन, 200 मीटर तक रैम्प बणाण क विनती कायी।

महाराजन केन्द्रीय मंत्री दगड़ि मुखाभेंट कैकि बतै कि उत्तराखण्ड क पिथौरागढ़ जिला म गंुजी बिटि ओम पर्वत अर गुंजी बिटि आदि कैलाश कु बाटु धार्मिक अर साहसिक जातरा करण वला पर्यटकु खूणि बौत जादा खास च। उन्न बतै कि अबि यु बाटौं पर शौचालय कम छन। उन्न बोलि शौचालय नीं हूंण से जातरा करण वला जातरियों तैं स्वास्थ्य बौत दिक्कत पैदा हूंणि च। उन्न बोलि कि बाटौ म बाटु बतौंण वला निसाण (माइलस्टोन) बि नी छन, या से लोगु तैं बाटु ख्वजणा खूणि अर यू बि पता बि नीं चलदू कि हौरि कतगा जाण।

महाराजन केन्द्रीय मंत्री गडकरी तैं बोलि कि कैलाश का बाटौं म शौचालय अर बाटु बतौंण वला निसाण अर ओल्ड लिपुलेख दरा रैम्प बणाण विनती कायी।