हमतैं गर्व च कि हमरु देस कटकुटा हत्थु मा च : सतपाल जी महाराज

हरद्वार। देसा मजबूत बुनियाद अर विकासा वास्ता आर्थिक सामाजिक सशक्तिकरणा बात हूंया या देसा सुरक्षा नीतिकि पर फैसला लिंणा की भारत सबि तोकु मा खळाखळ अगने बढ़दे जाणु च। प्रधानमंत्री मोदी देस तैं विश्व गुरु बणौंणा दिसा मा अगनै बढ़णा छन। हमतैं आज गर्व च कि देसा कटकुटा हत्थु मा च। अर सर्या दुन्या भारता तागत तैं दय्खणि च।

या बात प्रदेसा कैबिनेट मंत्री सतपाल महाराजन हरद्वार मा भारतीय जनता पार्टी कु संकल्प जारी कर्दा बोलि।
महाराजन बोलि कि विकासा वास्ता नगर निगम चुनौ मा भाजपा क जीत जरूरी च, जै से ट्रिपल इंजना सरकार बण्यां। उन्न बोलि भाजपक कार्यकतौं अर जनता से विनती कायी अर बोलि कि प्रधानमंत्री अर मुख्यमंत्री धामी क नेतृत्व मा उत्तराखण्डम विकासा गंगा बगणिच। प्रदेसम खळाखळ ऋषिकेश-कर्णप्रयाग रेल लैन कु काम चलणु च। उत्तराखण्ड म औंण वला पर्यटक अर जातरी संख्या लगातार बढ़दै जाणि च। जैथैं देखिकि जनता ब्वनी च प्रधानमंत्री कु यु ब्वनु सै च कि अगिलु दशक उत्तराखण्ड को होलु। उन्न बोलि कि प्रदेसम भाजपा सरकारन तीन सालु मा रिकॉर्ड 19हजार नौकरि द्यायी।
भाजपन ब्यटुलौं तैं सरकरि नौकरि मा 30 प्रतिशत आरक्षण अर उत्तराखण्ड राज्य आंदोलनकारियों तैं 10 प्रतिशत क्षैतिज आरक्षण कु बन्दुबस्ता दगड़ि लखपति दीदी योजनन एक लाख से जादा ब्यटुळौं तैं लखपति बणै।

महाराजन भाजपा नगर निगम रुड़की की मेयद पदा उमेदवार अनिता अग्रवाला दगड़ि सबि वार्डु का उमेदवारू तैं जितौंणा विनति कायी। अर बोलि कि स्थानीय स्तर पर बि विकासा वास्ता जरूरी च कि नगर निगम मा भाजपा तैं जितयां, जै से प्रदेसम ट्रिपल इंजना सरकार खळाखळ विकास कारली।

एक मौका पर राज्यसभा सांसद कल्पना सैनी, जिलाध्यक्ष शोभा राम प्रजापति, राज्य मंत्री श्याम वीर सैनी, राज्य मंत्री देवेन्द्र भसीन, रुड़की विधायक प्रदीप बत्रा, पैल्यक विधायक सुरेश चंद जैन, नगर निगम संयोजक आदेश सैनी, चुनाव प्रभारी रवि मोहन अग्रवाल, राजपाल सिंह,मण्डल अध्यक्ष सुमित अग्रवाल, जिला महामंत्री प्रवीण संधू, दिनेश कौशिक, अरविन्द गौतम, पंकज नंदा, ललित मोहन अग्रवाल, गौरव कोशिक, पैल्यका सांसद हरपाल साथी बि छायीं।