सतपाल महाराजन विधानसभा चौबट्टाखाल थैं दीं 100 करोड़ 70 लाख रुप्यौंक सौगात

पौड़ी। प्रदेसा पंचायती राज, पर्यटन, लोक निर्माण, सिंचाई, ग्रामीण निर्माण, जलागम, धर्मस्व एवं संस्कृति मंत्री सतपाल महाराज विधानसभा चौबट्टाखाल तोक मा एकेश्वर ब्लाॅक मा संतूधार मा 100 करोड़ रुप्यौं कु अस्तपाल क दगड़ 60 लाख रुप्यौं से बणण वळा 6 पंचायत भवन क दगड़ कुल 100 करोड़ 70 लाख रुप्यौं योजना कु शिलान्यास अर लोकार्पण कायी।

प्रदेसा पंचायती राज, पर्यटन, लोक निर्माण, सिंचाई, ग्रामीण निर्माण, जलागम, धर्मस्व एवं संस्कृति मंत्री सतपाल महाराजन अपिड़ विधानसभा तोक मा संतूधार मा 100 करोड़ रुप्यौं से बणण वळु 100 बिस्तरौं कु शिवहरी उत्तराखण्ड फाउन्डेशन अस्पताल कु शिलान्यास अर राजीव नवोदय विद्यालय परिसर मा 60 लाख रुप्यौं से बणण वला पंचायत कोटा, बल्यूली, ग्वाण तल्ला, जैंतोली मल्ली, भैड़गांव, पवौली क दगड़ 10-10 लाख रुप्यौं से बणण वळा 6 ग्राम पंचैत भवनु कु शिलान्यास कायी। महाराजन राजीव नवोदय विद्यालय छात्रावास भवन मा 10 लाख रुप्यौं क विधायक निधि से हूंण वळा कामु कु बि लोकापर्ण कायी।

ऐ मौका फर भाजपा पौड़ी जिलाध्यक्ष श्रीमती सुषमा रावत, शिव फाउंडेशन क अध्यक्ष डॉ. शिव हरि, मण्डल एकेश्वर अध्यक्ष गणेश रावत, प्रदेश कार्यकारिणी क सदस्य वेद प्रकाश वर्मा, एकेश्वर ब्लाक प्रमुख नीरज पांथरी, श्री बद्रीनाथ-केदारनाथ मंदिर समिति क सदस्य पुष्कर जोशी, जिला पंचायत सदस्य सीमा सजवाण, बीरोंखाल भाजपा मंडल अध्यक्ष ओम पाल, पोखड़ा मंडल अध्यक्ष प्रभु शरण बुड़ाकोटी, जिला उपाध्यक्ष नरेंद्र डंडरियाल, जिला मंत्री महिपाल नेगी, ज्येष्ठ प्रमुख मुकेश कंण्डारी, पाबौ, मुख्य विकास अधिकारी पौड़ी, उपजिलाधिकारी संदीप, राजीव नवोदय विद्यालय क प्रधानाचार्य वन्दना, भारद्वाज क दगड़ मा गौ क प्रधान अर बीडीसी सदस्य छायीं।