सतपाल महाराज अर सुयश रावतन सुकई गौं मा बांटि राहत कु समान
चौबट्टाखाल विधानसभा तोक तहसील बीरोंखाल म सुकई गौं म आपदन पीड़ित कुटुम्दिर तैं कैबिनेट मंत्री सतपाल महाराजन अर भाजपा युवा मोर्चा प्रदेश कार्यकारिणी सदस्य सुयश रावतन राहत कु समान बांटि।
तहसील बीरोंखाल म सुकई गौं मा पिछल मैना 22 मई खूणि आपदा ऐ छायीं। जैमा कै कुटुम्दरि प्रभावित ह्वे छायीं।
उबरि कैबिनेट मंत्री सतपाल महाराजन 24 घण्टा भितर हि पीडब्ल्यूडी अर एनएच क् बन्द बाटौं तैं खुलै अर मौका पर भाजपा युवा मोर्चा प्रदेश कार्यकारिणी क सदस्य सुयश रावत तैं भेजिकि प्रभावित कुटुम्दरि तैं मदत देंणा कु भरोसु दे छायीं अर सुकई गौं की 30 कुटुम्दरि तैं सरकरि नियमानुसार 2500 रुप्यौं से 5000 तक क मदत दिलै छायीं।
आज सतपाल महाराज अर भाजपा युवा मोर्चा क प्रदेश कार्यकारिणी सदस्य सुयश रावत न सुकई गौं पौंछिकि प्रभावित कुटुम्दरि तैं राहत कु समान द्यायी अर विभागीय अधिकारियों तैं प्रभाविता लोगु क मदत करणा क निर्देश बि दींन।
महाराजन बतै कि सुकई गौं क पम्पिंग सिचै योजना म गौं वलों न पैप लैन गौं तक मत्थी तक पाणि पौंछाणा मांग कै छायीं, जै से गौ वळों तैं पिणा कु पाणि मिलि सक्यां। ऐ बारम महारान बोलि कि यीं योजना मूल स्रोत पर गदनाक् छाल विभाग काम करणु च।
महाराजन बोलि कि विकासखण्ड स्तर बिटि पुळ बणौंणा कु काम, पुस्ता, चैकडैम अर सीसी बाटौं क दगड़ि 15 योजना दैवीय आपदा म मंजूर छन जौ फर खळााखळ काम हूंणू च।
राहत कु समान बटणा म सतपाल महाराज क दगड़ि भाजयुमो प्रदेश कार्यकारिणी सदस्य सुयश रावत, भाजपा मंडल अध्यक्ष ओमपाल, महिला मोर्चा क अध्यक्ष श्रीमती संध्या देवी, सुकई गाैं क प्रधान संदीप सिंह नेगी, तहसीलदार आनंद पाल, विकासखंड अधिकारी जयपाल बि छायीं।