सरकारि दावा कु खुलग्यें गेड़, कोटी गाड़ मा भ्याल लमडि गाड़ि कु न परमिट, न फिटनेस अर न टैक्स हि जमा छायीं

UK Dinmaan

बंगाल के पर्यटकों थैं गंग्रोत्री लिजाण वलि गाड़ी यूके 10 टीए 0564 बुधवार खूंणि ऋषिकेश-गंगोत्री हाईवे पर कोटी गाड़ मा भ्याल लमडि ग्यें छायी क जांच खूंणि सरकारन आदेश दे दीं।

सरकार अर परिवहन विभाग पुलिए प्रशासन जात्रा मा बौत बड़ा बड़ा दाव करणु च बिना पंजीकरण के कईं भि जात्रि जात्रा मा नि जै सकदु अर जात्रा क बाटों पर जगा जगा मा पुलिए गाड़ियों के जांच करणि च। लेकिन भ्याल में लमड़ि गाड़िल सरकार अर परिवहन विभाग के दावा क सर्या बधीं गेड़ खोल द्यायी।

जातरियों थैं लिजाण वलि गाड़ि बिना परमिट, बिना फिटनेस, बिना टैक्स अर बिना ग्रीन कार्ड सरपट सड़िक्यों मा दौड़नि छन।

ऋषिकेश बटि गंग्रोत्री जाणि ई गाड़ी मा न परमिट हि छायी अर सबसे बड़ी बात या गाड़ि कु परमिट नौ मार्च 2021 खूंणि खत्म हर टैक्स 30 नम्बर 2021 तक कु हि जमा छायी। या गाड़ि कु इंश्योरेंस 22 सितम्बर 2022 तक त प्रदूषण 20 सितम्बर 2022 तककु जमा च।

अब इन्न मा सवाल यों च जब ऋषिकेश क भद्रकाली मा सब्यां गाड़ियों क जांच हूंद त या गाड़ि कनकै कि अगने चलि ग्यायी।

जबकि चारधाम मा जाण बलि गाड़ियों कु जातरि परमिट , ग्रीन कार्ड अर गाड़ि के पूरी जांच क कागज जरूरी हूंण क बाद जातरियों के पूरू जाणकारी अर गाड़िन कख जाणा सब्यां जाणकारी लिख्यें जांद। इन्न मा सवाल यों च कि इतगा दावों क बाद भि या गाड़ि कनकैकि उत्तरकाशी पार कैरि ग्यायी।