त्याग अर सेवा उत्तराखण्ड असली पछ्याण च : धामी
मुख्यमंत्री धामिन यु बोलि कि फैसला कायी कि ऊंका जनमबार 16 सितम्बर पर क्वीं त्योवार नीं होलु उन्न बोलि बल ये दिन सेवा दिना मन्ये जालु। मुख्यमंत्रिन बोलि जनमबार दिन समाज अर जरुरतमंदु की सेवा करणा कु त्योवार च।
मुख्यमंत्रिन बोलि कि ये दिन आपदा प्रभावितों अर लोगुक मदत वास्ता बगत निकालला। उन्न बोलि कि प्रदेस कै क्षेत्रम आपदा अयीं च जखा लोगु बौत कठिणै मा रैंणा छन, इन्न मा हम सब्यौं जिम्मेबरि च कि ऊंकी मदता वास्ता अगनै बढ़िकि काम कर्या। मुख्यमंत्रिन बोलि कि हमरि छ्वटि सी कोसिस पीड़ित परिवारा वास्ता एक नै उमीद बणलि।
मुख्यमंत्रिन बोलि कि स्वच्छता अभियान, वृक्षारोपण, शिक्षा सहयोग अर आपदा राहत जन्ना काम समाज मा बदलाव ल्याणा का जरिया बणदन।
मुख्यमंत्रिन बोलि कि त्याग अर सेवा की भावना उत्तराखण्ड असली पछ्याण च अर प्रदेसा सबि रैवासी इन्नु सोचिकि काम कारला त प्रदेस तैं हरेक क्षेत्रम मजबूती अर नै तागत मिललि।