रुद्रप्रयाग मा मुख्यमंत्री धामी न कायी 46680.95 लाख रूप्यौं क विकासा योजनौं कु लोकार्पण अर शिलान्यास

देरादूण। मुख्यमंत्री पुष्कर सिंह धामीन आज तिलवाड़ा रुद्रप्रयाग मा उरयूं कार्यक्रम मा 46680.95 लाख रूप्यौं के विकासा क योजनौं कु लोकार्पण अर शिलान्यास कायीं।

मुख्यमत्री धामीन बोलि कि हमन प्रदेसक मा विकास करणा क सौं लियीं च। उन्न बोलि कि हमरू लक्ष्य उत्तराखण्ड थैं 25 साल पूरा हूंण तक देस मा सबसे अच्छु प्रदेस बणौंणा कु च।

मुख्यमंत्री न बोलि प्रधानमंत्री मोदी क नेतृत्व मा केदारनाथ मा दिव्य अर भव्य केदारपुरी बण्यें जाणि च। उन्न बोलि कि प्रधानमंत्री न जतगा तेजी हमर प्रदेस क विकास खूंणि दिखें, उतगा तेजी कै भि प्रधानमंत्री नि दिखें।

मुख्यमंत्री धामीन बोलि बदरी-केदार जात्रा क जनपद मयाल बटि गुप्तकाशी अर भीरी बटि मक्कू अर चोपता थैं राष्ट्रीय राजमार्ग बण्यें जाणा खूंणि भारत सरकार थैं प्रस्ताव भज्यें जालु।

मुख्यमंत्री धामीन बोलि कि स्यूंड बटि धौलसारी कमेड़ा तक 3 किलोमीटर मोटर मार्ग, अगस्तयमुनि क अंधेरगढ़ी बटि तलसारी मोटर मार्ग, जयचौंरा बटि ऐंटा -पवननगर, थापली मोटर मार्ग थैं दुबरा बण्यें जालु।
मुख्यमंत्री न शहीद राय सिंह बंगारी इंटर कॉलेज चमालकोट तुनेटा भरदार थैं इंटर तक अनुदान देंणा कु , विकाखण्ड जखोली मा तिलवाड़ा सौंराखाल मोटर मार्ग थैं हॉटमिक्स बण्यें जाणा के घोषणा भि कायी।

जखोली महाविद्यालय थैं स्नातकोत्तर महाविद्यालय बणौंणा क दगड़ मा हिन्दी, भूगोल, अंग्रेजी व अर्थशास्त्र क विषयों थैं मान्यता देंण अर बच्छणस्यूं तोक मा जिला सहकारि बैंक बण्यें जाणा क घोषणा भि कायी।

ऐ मौका फर मुख्यमंत्री धामी न जनपद मा विभागीय योजनाओं फैद लिंण वला ळोगु थैं भि इनाम दें।
एक मौका पर जिला पंचायत अध्यक्ष सुमंत तिवारी, विधायक रूद्रप्रयाग भरत सिंह चौधरी, विधायक केदारनाथ श्रीमती शैला रानी रावत अर तोक जनता छायीं।