चतुर्थ केदार रुद्रनाथ महादेवा मंदिरा पाट ह्यूंदा मैना वास्ता हूंयी विधि विधान से बदं

शुभ मुहूर्त पर चतुर्थ केदार रुद्रनाथ महादेवा मंदिरा पाट ह्यूंदा मैना वास्ता विधि विधान से बदं ह्वेग्यीन। आज सुबेर ब्रह्म मुहूर्त मा मंदिरा मुख्य पुजरिन विधि विधान से मंदिरम आखिर पूजा कायी।

कपाट बंद हूंणा बाद भगवान रुद्रनाथ की उत्सव विग्रह डोली अपणा ह्यूंदा थान श्री गोपीनाथ मंदिर खुणि पैटिग्ये। अब छै मैना सर्या हूंदन चतुर्थ केदार भगवान रुद्रनाथा दर्शन अर पूजा गोपीनाथ मंदिर गोपेश्वर मा होलि।
रुद्रनाथा पुजरि सुनील तिवारी न बतै कि सुबेर चार बजि भगवान रुद्रनाथा पूजा सुरु करे ग्यायी। सबि पूजा करणा बाद सुबेर छै बजि मंदिरा पाट ह्यूंदा मैना खुणि बंद करे ग्यीन अर साढ़े सात बजि डोली रुद्रनाथ खुणि पैटिग्ये।

रुद्रनाथ मंदिर उत्तराखण्ड क चमोली जिला भगवान शिवजी कु मंदिर च। यु पंचकेदार बिटि एक च। रुद्रनाथ मंदिर म भगवान शंकरा एकानन (मुख) पूजा करे जांद। भगवानै सर्या शरैल पूजा नेपाला राजधानी काठमांडू क पशुपतिनाथ मा करे जांद।

11,808 फीट मा मंदिर तक पौंछणा खुणि 19 किलोमीटर उकाल अर बुग्याल पार करण प्वड़दि।