देरादूण मा रोड सेफ्टी वर्ल्ड सीरीजि अर पुलिस थैं नि च यांक खबर

देरादूण मा राजीव गांधी क्रिकेट स्टेडियम मा रोड सेफ्टी वर्ल्ड सीरीजि कु मैच 21 सितम्बर बटि 26 सितम्बर तक हूंण क चर्चा चौछ़डि हूंणि च।

सीरीज कानपुर ग्रीन पार्क मा सुरू ह्वैग्यें। मैच कब अर कख ख्यलंे जाला या क बारा मा दिन बार तारिक सबि तय हवैग्यीं। जैका हिसाब सै 21 सितम्बर बटि 26 सितम्बर 2022 तक क मैंच देरादूण क राजीव गांधी क्रिकेट स्टेडियम रायपुर मा ख्यलें जाणा क चर्चा चर्या चौछ़डि हूंणि च। यांक बारा मा बतै जाणु च बल टिकट ऑनलैन क जरिया मूल्यें जाणा छन।

अब या मा बड़ी बात या च क्रिकेट मैच क बारा मा न त जिला प्रशासन थैं अर न पुलिस विभाग थै क्वीं खबर च अर न राजीव गांधी क्रिकेट स्टेडियम रायपुर मा स्टाफ थैं।
इन्न मा देरादूणा क मैच दय्खण वळा रैवासी टिकट कख बटि अर कन कैकि मिळला ऐ जंक जोड़ मा लग्या छन।

त दूसर तरफ ऐ बारा मा एसएसपी देरादूण क ब्वन च हमथैं इन्न क्वीं जाणकारि नी च कि राजीव गांधी क्रिकेट स्टेडियम रायपुर देरादून मा क्वीं मैच हूंण च। उन्न बोलि ह्वै सकदु क्वीं क्रिकेट मैच क नौ पर टिकट बैचिक लोगु थैं ठगौंणा कु काम करणु हो।

उन्न बतै रायपुर थाना क प्रभारी न ऐ बारा मा जब छालछप्पट कायी त पता चलि कंपनी कु मैनेजर संजय थाईलैंड बटि टिकट बैय्चणु च। या मा सबसे हैरान करणा वलि बात या च कुछ दिन पैळि तक हूंण वळि टिकटु ऑनलैन बैच्यणु कु काम आज बन्द ह्वैग्यें अर ऑनलैन एप्प प्लेटफॉर्म बटि गैब ह्वैग्यें। इन्न मा या बात इन्नो बतौणि च देरादूण मा रोड सेफ्टी क नौ फर अफवा फैळें कि मनखियों थैं ठग्यें ग्यें। एसएसपी न बोलि हमन यांका बारा मा पुलिस थैं छाल छप्पट करणा खूंणि बोलि याली।