ऋषिकेश मा उर्रयें जाळु द्वि दिनक पैळु ग्ळोबळ म्यूजिक त्योवार

देरादूण। उत्तराखण्ड पर्यटन विकास परिषद क सहयोगळ ऋषिकेश मा द्वी दिनकु पैळु ग्ळोबळ म्यूजिक त्योवार (फेस्टेबळ) 17 व 18 जनवरी खूणिं कुटानी हैंडपैन अकादमी तरफ बटि उर्रयें जाळु। जैमा देश अर विदेशक कळाकार भाग ल्याळा।

मंत्री सतपाल महाराज न ऋषिकेश मा हूंण वळा म्यूजिक त्योवार थैं प्रदेशवासियों खुणि खुशि खबर बतै अर ब्वाळ कि इन्ना तिबार उत्तराखण्ड मा हूंण चैंदन। उन्न ब्वाळ कि इन्ना कार्यक्रमों थैं सफळ बणाणा खूणि पर्यटन विकास अपणु पूरू सहयोग करणु च अर भविष्य मा हूंण वळा कार्यक्रम मा अपडु़ सहयोग देणु राळु।

पर्यटन मंत्री न ब्वाळ कि पैळु ग्ळोबळ म्यूजिक त्योवार मा हमर उत्तराखण्ड क दगड़-दगड़ देश अर विदेशु क कळाकार अपड़ि कळा थैं दिखाळा। उन्न ब्वाळ कि आप ळोग कोविड महामारी का निर्देशों थैं ध्यान मा रैखिक म्यूजिक त्योवार क आनन्द ल्यावा।

द्वी दिन कू ग्ळोबळ म्यूजिक त्योवार क कुटानी हैंडपैन अकादमी का आयोजक वेदांश न ब्वाळ कि ये फेस्टेबळ मा बाबा कुटानी, क्ळाइव वेज, दिग्विजय सिंह परियार यूफोरिया बैड, युसूकी होसी जापान, नील एण्ड टी 2, यूएस से कैरिना यूबेरो, इश्किस्तान, राजस्थान क लोक कळाकार नाथुलाल सोलंकी, ए. आर. रहमान क दगड़ काम करण वळा गिटारवादक अर उत्तराखण्उ का लोक कळाकार अपडु कळा से आप ळोगु का मनोरंजन कारळा। उन्न ब्वाळ के कार्यक्रम प्लेस बाई सेल्वस ऋषिकेश मा उर्रयें जाळु, जू कि बिल्कुल मुफ्त मा च, आप जरूर ऐंया, कार्यक्रम दिनमा 12 बजि बटि व्यखुनी दा 5 बजि तक चळळु।